AP Vidyut Recruitment 2026 : ఏపీలో నిరుద్యోగులకు పండగే.. విద్యుత్ శాఖలో 630 AEE పోస్టులకు భారీ నోటిఫికేషన్

విజయవాడ, సూర్య న్యూస్:ఆంధ్రప్రదేశ్ (Andhra Pradesh) నిరుద్యోగులకు రాష్ట్ర ప్రభుత్వం శుభవార్త చెప్పింది. రాష్ట్రంలోని వివిధ విద్యుత్ సంస్థల్లో (Power Utilities) ఖాళీగా ఉన్న పోస్టుల భర్తీకి భారీ నోటిఫికేషన్ విడుదల చేసింది. అసిస్టెంట్ ఎగ్జిక్యూటివ్ ఇంజనీర్ (Assistant Executive Engineer – AEE) కేటగిరీలో ఏకంగా 630 పోస్టులను భర్తీ చేయనున్నారు. ఈ మేరకు జూన్ 25వ తేదీన రిక్రూట్మెంట్ నోటీసు వెలువడింది. అర్హత కలిగిన అభ్యర్థులు జూన్ 30 నుంచి ఆన్‌లైన్ విధానంలో దరఖాస్తు చేసుకోవాల్సి ఉంటుంది.

సంస్థల వారీగా ఖాళీల వివరాలు

తాజా నోటిఫికేషన్ ద్వారా మూడు ప్రధాన సంస్థల్లో ఏఈఈ (AEE) పోస్టులను భర్తీ చేయనున్నారు. ఏపీ ట్రాన్స్‌కో (APTRANSCO) విభాగంలో 200 పోస్టులు ఉన్నాయి. అలాగే ఏపీ జెన్‌కో (APGENCO) పరిధిలో 100 ఖాళీలను భర్తీ చేస్తారు. ఏపీ పవర్ డిస్ట్రిబ్యూషన్ కంపెనీలైన (APCPDCL, APSPDCL, APEPDCL) పరిధిలో అత్యధికంగా 330 ఖాళీలు ఉన్నాయి. మొత్తం 630 పోస్టులకు ఎలక్ట్రికల్, సివిల్, టెలికాం, మెకానికల్, ఎలక్ట్రానిక్స్ విభాగాల్లో ఈ నియామకాలు జరగనున్నాయి.

విద్యార్హతలు మరియు వేతనం

ఈ పోస్టులకు దరఖాస్తు చేసుకునే అభ్యర్థులు గుర్తింపు పొందిన యూనివర్సిటీ నుంచి సంబంధిత విభాగంలో ఇంజనీరింగ్ డిగ్రీ (Engineering Degree) పూర్తి చేసి ఉండాలి. వయోపరిమితి, రిజర్వేషన్లు వంటి పూర్తి వివరాల కోసం అభ్యర్థులు అధికారిక వెబ్‌సైట్ ను సందర్శించాల్సి ఉంటుంది. ఎంపికైన అభ్యర్థులకు ప్రొబేషన్ సమయంలో నెలకు రూ. 75,000 చొప్పున కన్సాలిడేటెడ్ వేతనం (Consolidated Pay) చెల్లిస్తారు.

ముఖ్యమైన తేదీలు ఇవే

ఈ భారీ రిక్రూట్మెంట్ కు సంబంధించి ఆన్‌లైన్ దరఖాస్తుల (Online Applications) ప్రక్రియ జూన్ 30వ తేదీ ఉదయం 10 గంటలకు ప్రారంభం అవుతుంది. దరఖాస్తు సమర్పణకు జూలై 20వ తేదీ రాత్రి 11:59 గంటల వరకు అవకాశం కల్పించారు. పరీక్షల తేదీలను కూడా ముందుగానే ప్రకటించారు. కంప్యూటర్ బేస్డ్ టెస్ట్ (CBT) విధానంలో ఆగస్టు 22 నుంచి ఆగస్టు 29 వరకు ఈ పరీక్షలు జరగనున్నాయి.

దరఖాస్తు విధానం, ఫీజు మరియు ఎంపిక

దరఖాస్తులను కేవలం ఆన్‌లైన్ (Online Only) విధానంలోనే సమర్పించాలి. అన్ని కేటగిరీల అభ్యర్థులకు అప్లికేషన్ ఫీజు రూ. 1000 గా నిర్ణయించారు. అభ్యర్థుల ఎంపిక కేవలం కంప్యూటర్ బేస్డ్ టెస్ట్ (Computer Based Test) ద్వారానే జరుగుతుంది. ఈ పరీక్ష ఇంగ్లీష్ మీడియంలో (English Medium) మాత్రమే ఉంటుంది. దరఖాస్తు కోసం aptransco.gov.in, apgenco.gov.in, apvidyutrecruitment.apcfss.in వెబ్‌సైట్లను సందర్శించవచ్చు.