అమరావతి, సూర్య న్యూస్ : మురసు తుఫాన్ (Murasu Cyclone) ప్రభావంతో ఆంధ్రప్రదేశ్ వ్యాప్తంగా భారీ వర్షాలు కురుస్తున్న నేపథ్యంలో రాష్ట్ర ఉప ముఖ్యమంత్రి పవన్ కళ్యాణ్ (Pawan Kalyan) అధికారులను అప్రమత్తం చేశారు. తుఫాన్ ప్రభావిత ప్రాంతాల్లో ప్రజల రక్షణ, పునరుద్ధరణ చర్యలకు అత్యధిక ప్రాధాన్యం ఇవ్వాలని ఆయన అధికారులను ఆదేశించారు.
వర్షాలు తగ్గుముఖం పట్టే వరకు పంచాయతీరాజ్, గ్రామీణాభివృద్ధి శాఖల సిబ్బందికి సెలవులు రద్దు చేస్తున్నట్లు పవన్ కళ్యాణ్ ప్రకటించారు. క్షేత్రస్థాయి సిబ్బంది ఎప్పటికప్పుడు ప్రజలకు అందుబాటులో ఉంటూ సహాయక చర్యల్లో చురుకుగా పాల్గొనాలని స్పష్టం చేశారు.
రాష్ట్రంపై మురసు తుఫాన్ ప్రభావం తీవ్రంగా ఉందని, ఇప్పటికే దాదాపు 15 జిల్లాల్లో భారీ వర్షాలు కురుస్తున్నాయని పరిస్థితిపై నిర్వహించిన సమీక్షలో డిప్యూటీ సీఎం పేర్కొన్నారు.
రానున్న రెండు, మూడు రోజులు రాష్ట్రానికి అత్యంత కీలకమని పవన్ కళ్యాణ్ వెల్లడించారు. అధికారులు, సహాయక బృందాలు అత్యంత అప్రమత్తంగా ఉండాలని, ప్రాణ, ఆస్తి నష్టం జరగకుండా ఎప్పటికప్పుడు తగిన ముందస్తు జాగ్రత్తలు తీసుకోవాలని ఆయన దిశానిర్దేశం చేశారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
