హైదరాబాద్, సూర్య న్యూస్ : తెలంగాణలో (Telangana) జరగనున్న గ్రాడ్యుయేట్ ఎమ్మెల్సీ ఎన్నికల (Graduate MLC Elections) ఓటరు నమోదు గడువును పెంచుతూ రాష్ట్ర ఎన్నికల ప్రధానాధికారి (CEO) సి. సుదర్శన్‌రెడ్డి కీలక ప్రకటన చేశారు. ముందుగా నిర్ణయించిన షెడ్యూల్ ప్రకారం ఈ నెల 6వ తేదీతో గడువు ముగియనున్న నేపథ్యంలో, నామినేషన్ల దాఖలుకు చివరి తేదీ వరకు పట్టభద్రులు తమ పేర్లను ఓటర్లుగా నమోదు చేసుకోవచ్చని ఆయన స్పష్టం చేశారు.
సాంకేతిక లోపాలతో మొరాయిస్తున్న పోర్టల్
గత రెండు రోజులుగా ఓటరు నమోదు పోర్టల్ సాంకేతిక సమస్యలతో మొరాయిస్తుండటంతో, ఫామ్-18 ద్వారా దరఖాస్తు చేసుకునేందుకు ప్రయత్నిస్తున్న అర్హులైన పట్టభద్రులు తీవ్ర ఆందోళనకు గురయ్యారు. ఈ పరిస్థితిపై స్పందించిన సీఈఓ సుదర్శన్‌రెడ్డి.. దరఖాస్తు గడువుపై ఎవరూ ఆందోళన చెందాల్సిన అవసరం లేదని భరోసా ఇచ్చారు.
సర్వర్‌లో తలెత్తిన సాంకేతిక సమస్యలను ఐటీ బృందాలు వేగంగా పరిష్కరిస్తున్నాయని, దరఖాస్తు సేవలను వెంటనే పునరుద్ధరిస్తామని ఆయన హామీ ఇచ్చారు. మరోవైపు, కేంద్ర ఎన్నికల సంఘం (ECI) ఇంకా గ్రాడ్యుయేట్ ఎమ్మెల్సీ ఎన్నికల నిర్వహణ తేదీని అధికారికంగా ప్రకటించాల్సి ఉంది. ఆ ప్రకటన వెలువడి, నామినేషన్ల ఘట్టం ముగిసే వరకు ఓటరు నమోదు ప్రక్రియ నిరంతరాయంగా కొనసాగుతుందని సీఈఓ వెల్లడించారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
