వరంగల్, సూర్య న్యూస్ : వరంగల్ పట్టభద్రుల ఎమ్మెల్సీ (MLC) ఎన్నికల నేపథ్యంలో అర్హులైన పట్టభద్రులను ఓటర్లుగా నమోదు చేయించేందుకు తెలంగాణ రక్షణ సేన (Telangana Rakshana Sena) ఆధ్వర్యంలో నగరంలోని ఆర్ట్స్ అండ్ సైన్స్ కళాశాల మైదానంలో ఓటరు నమోదు కార్యక్రమం నిర్వహించారు.
వరంగల్–హనుమకొండ అధ్యక్షుడు డా. నడిపెల్లి వెంకటేశ్వర్ రావు అధ్యక్షత వహించిన ఈ కార్యక్రమం, వరంగల్ ఎమ్మెల్సీ ఇంచార్జ్ మాడుగుల రాజిరెడ్డి పిలుపు మేరకు చక్రధర్ రావు నేతృత్వంలో జరిగింది.
కళాశాల ప్రాంగణంలో ప్రచార బ్యానర్లు, పోస్టర్లతో ప్రత్యేక శిబిరం ఏర్పాటు చేసి పట్టభద్రులకు నమోదు ప్రక్రియపై అవగాహన కల్పించారు.
అర్హత కలిగిన ప్రతి పట్టభద్రుడు ఎమ్మెల్సీ ఓటరుగా తన పేరు నమోదు చేసుకుని ప్రజాస్వామ్య ప్రక్రియలో భాగస్వామి కావాలని నాయకులు కోరారు. శాసన మండలిలో పట్టభద్రుల సమస్యలను ప్రస్తావించే ప్రతినిధిని ఎన్నుకోవడంలో ఈ ఓటు కీలకమని వారు పేర్కొన్నారు.
ఈ సందర్భంగా తమ సంస్థ తరఫున పట్టభద్రుల ఎమ్మెల్సీ అభ్యర్థిగా ఉన్న డా. నలమాస శ్రీకాంత్ గౌడ్‌ను గెలిపించేందుకు పట్టభద్రులందరూ ఐక్యంగా ముందుకు రావాలని టీఆర్ఎస్ నాయకులు పిలుపునిచ్చారు. పట్టభద్రుల హక్కుల పరిరక్షణ కోసం ఆయన విజయం అవసరమని వారు అభిప్రాయపడ్డారు.
రాబోయే రోజుల్లో మరిన్ని ప్రాంతాల్లో ఓటరు నమోదు కార్యక్రమాలు చేపట్టి పట్టభద్రులను చైతన్యపరుస్తామని నాయకులు తెలిపారు. ఎన్నికల్లో శ్రీకాంత్ గౌడ్ విజయమే లక్ష్యంగా సమిష్టిగా పనిచేస్తామని వారు స్పష్టం చేశారు.
ఈ కార్యక్రమంలో టీఆర్ఎస్ నాయకులు మాడుగుల రాజిరెడ్డి, బండారి సుమన్, గడ్డం సంతోష్, ఉసిరికపల్లి నిశాంత్, సుతేజ్, మాస్కుల శివ, సుశీల్ గౌడ్, అక్కరపు జ్యోతి రెడ్డి, రాము, రుత్విక్‌తో పాటు పలువురు కార్యకర్తలు, అభిమానులు పాల్గొన్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
