అమరావతి, సూర్య న్యూస్ : ఆంధ్రప్రదేశ్లోని నిరుద్యోగులకు ప్రభుత్వం భారీ తీపికబురు అందించేందుకు సిద్ధమైంది. రాష్ట్రంలోని వివిధ ప్రభుత్వ శాఖల్లో ఖాళీగా ఉన్న పోస్టుల భర్తీ కోసం ఆంధ్రప్రదేశ్ పబ్లిక్ సర్వీస్ కమిషన్ (APPSC) ద్వారా ఈ నెల 15వ తేదీన కీలకమైన సంక్షిప్త నోటిఫికేషన్ (Short Notification) విడుదల కానుంది. ఇందులో పోస్టుల వివరాలతో పాటు పరీక్షల ప్రాథమిక షెడ్యూల్ను కూడా అధికారులు వెల్లడించనున్నారు.
పరీక్షల నిర్వహణపై ముమ్మర కసరత్తు
ఈ నియామక ప్రక్రియకు సంబంధించి అక్టోబర్ మొదటి వారంలో సమగ్ర నోటిఫికేషన్ విడుదల చేయనున్నారు. ఆ పూర్తి నోటిఫికేషన్లో సిలబస్, అర్హతలు, రిజర్వేషన్లు మరియు ఇతర నిబంధనలను స్పష్టంగా పేర్కొంటారు. మరోవైపు గ్రూప్-1, గ్రూప్-2 ఉద్యోగాలకు సంబంధించిన పరీక్షలను సంప్రదాయ పద్ధతిలో రాతపూర్వకంగా నిర్వహించాలని, ఇతర ఉద్యోగాల పరీక్షలను ఆన్లైన్ విధానంలో చేపట్టేందుకు కమిషన్ ముమ్మర కసరత్తు చేస్తోంది.
గ్రూప్స్, పోలీస్ శాఖతో పాటు ఉపాధ్యాయ నియామకాలు సహా వివిధ కేటగిరీల్లో రాష్ట్రవ్యాప్తంగా 10 వేలకు పైగా పోస్టులు భర్తీ కానున్నాయి. ఒకేసారి భారీ సంఖ్యలో ఉద్యోగాల భర్తీకి ప్రభుత్వం పచ్చజెండా ఊపడంతో ఏపీలోని లక్షలాది మంది అభ్యర్థుల్లో కొత్త ఆశలు చిగురిస్తున్నాయి. నిరుద్యోగులు ఈ నోటిఫికేషన్ల వివరాల కోసం ఆసక్తిగా ఎదురుచూస్తున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
