హైదరాబాద్, సూర్య న్యూస్ : తెలంగాణ రాష్ట్ర పబ్లిక్ సర్వీస్ కమిషన్ (TGPSC) ఉద్యోగార్థులకు ఒక ముఖ్యమైన ప్రకటన జారీ చేసింది. రాష్ట్ర కళాశాల విద్యాశాఖలో వివిధ పోస్టుల భర్తీ కోసం గతంలో విడుదల చేసిన సంక్షిప్త నోటిఫికేషన్ను (Job Notification) అధికారికంగా రద్దు చేస్తున్నట్లు వెల్లడించింది.
కళాశాల విద్యాశాఖ పరిధిలోని అసిస్టెంట్ ప్రొఫెసర్లు, ఫిజికల్ డైరెక్టర్లు, లైబ్రేరియన్ పోస్టుల భర్తీ నిమిత్తం 2022 డిసెంబర్ 31వ తేదీన కమిషన్ ఈ బ్రీఫ్ నోటిఫికేషన్ విడుదల చేసింది. మొత్తం 544 ఖాళీల భర్తీ కోసం అప్పట్లో ఈ ప్రకటన జారీ చేశారు. అయితే ఈ నోటిఫికేషన్కు సంబంధించిన పలు కీలక అంశాలు, ఇతర పరిణామాలపై కమిషన్ సుదీర్ఘంగా చర్చించినట్లు తాజా అధికారిక ప్రకటనలో పేర్కొంది.
ప్రస్తుత పరిస్థితులన్నింటినీ సమగ్రంగా పరిగణనలోకి తీసుకున్న తర్వాతే, ఈ పోస్టుల భర్తీ ప్రక్రియను పూర్తిగా రద్దు చేయాలని తుది నిర్ణయం తీసుకున్నట్లు కమిషన్ స్పష్టం చేసింది. ఈ తాజా నిర్ణయం ప్రకారం, నోటిఫికేషన్ రద్దయినట్లు సంబంధిత అభ్యర్థులందరూ గమనించాలని సూచిస్తూ సెక్రటరీ పేరుతో అధికారిక వెబ్సైట్లో సెప్టెంబర్ 10వ తేదీన ఒక పత్రికా ప్రకటనను పొందుపరిచారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
