అమరావతి, సూర్య న్యూస్ : ఆంధ్రప్రదేశ్ ప్రభుత్వం సరికొత్త మద్యం పాలసీని (AP Liquor Policy) అధికారికంగా ఖరారు చేస్తూ ఉత్తర్వులు జారీ చేసింది. మద్యం దుకాణాల ప్రస్తుత లైసెన్సుల రెన్యువల్ ఫీజును 10 శాతం మేర పెంచుతూ ఎక్సైజ్ శాఖ (Excise Department) నిర్ణయం తీసుకుంది. అదే సమయంలో నిబంధనలు ఉల్లంఘించే వ్యాపారులపై కఠిన చర్యలు తీసుకునేలా సరికొత్త నిబంధనలను ప్రభుత్వం అమల్లోకి తెచ్చింది.
నిబంధనలు ఉల్లంఘిస్తే భారీ జరిమానా
కొత్త నిబంధనల ప్రకారం మద్యం సీసాలపై ముద్రించిన గరిష్ఠ చిల్లర ధర కంటే అధిక ధరకు విక్రయించినా, కల్తీ మద్యానికి పాల్పడినా లేదా బ్రాండ్ మిక్సింగ్ చేసినా వ్యాపారులకు ఏకంగా రూ.10 లక్షల భారీ జరిమానా విధించనున్నారు. నిబంధనలను పక్కాగా అమలు చేయాలని, వినియోగదారులను మోసం చేసే దుకాణదారులపై కఠినంగా వ్యవహరించాలని అధికారులను ప్రభుత్వం ఆదేశించింది.
లక్కీ డ్రా ద్వారా మిగిలిన షాపుల కేటాయింపు
రెన్యువల్ పూర్తికాని మద్యం దుకాణాలను రూ.3 లక్షల నాన్ రిఫండబుల్ దరఖాస్తు రుసుముతో లక్కీ డ్రా పద్ధతి ద్వారా కేటాయించనున్నారు. మొత్తం షాపులలో 3,396 దుకాణాలను ఓపెన్ కేటగిరీ కింద ఉంచగా, గీత వృత్తిపై ఆధారపడిన కల్లుగీత కార్మికులకు ప్రోత్సాహకంగా 340 దుకాణాలను ప్రత్యేకంగా రిజర్వ్ చేశారు. పారదర్శకంగా లాటరీ ప్రక్రియను నిర్వహించి దుకాణాలను కేటాయించేందుకు ఎక్సైజ్ అధికారులు ఏర్పాట్లు చేస్తున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
