హైదరాబాద్, సూర్య న్యూస్ : మెగాస్టార్ చిరంజీవి (Chiranjeevi) తొలిసారిగా డిజిటల్ ప్లాట్‌ఫామ్‌లోకి ఎంట్రీ ఇస్తున్న విషయం తెలిసిందే. నెట్‌ఫ్లిక్స్ వేదికగా ప్రసారం కానున్న ‘మెగావర్స్’ (MegaVerse) టాక్ షోకి చిరంజీవి హోస్ట్‌గా వ్యవహరించనున్నారు. అయితే, ఈ ప్రతిష్టాత్మక షో ప్రోమోకు ప్రముఖ టాలీవుడ్ దర్శకుడు హరీష్ శంకర్ దర్శకత్వం వహించనున్నట్లు సినీ వర్గాల్లో జోరుగా ప్రచారం జరుగుతోంది.
నెట్‌ఫ్లిక్స్ ఈ ‘మెగావర్స్’ టాక్ షోను త్వరలో స్ట్రీమింగ్ చేయనున్నట్లు అధికారికంగా ప్రకటించింది. ‘మాస్‌కి గ్రామర్, స్టైల్‌కి డెఫినిషన్.. మెగాస్టార్ ఈజ్ హియర్’ అంటూ నెట్‌ఫ్లిక్స్ చేసిన ట్వీట్ మెగా అభిమానుల్లో భారీ అంచనాలను పెంచేసింది. ఈ టాక్ షోని అన్నపూర్ణ స్టూడియోస్‌లో చిత్రీకరిస్తున్నారని, మొత్తం 12 నుంచి 15 ఎపిసోడ్స్ వరకు ఉంటాయని సమాచారం.
ఇక, దర్శకుడు హరీష్ శంకర్ ఎప్పటి నుంచో చిరంజీవితో సినిమా చేయాలని ఎదురుచూస్తున్నారు. ఈ టాక్ షో ప్రోమో కోసం చిరంజీవి-హరీష్ శంకర్ కాంబినేషన్ కుదిరినట్లు తెలుస్తోంది. ఒకవేళ హరీష్ శంకర్ దర్శకత్వం వహించే ఈ ప్రోమో సక్సెస్ అయితే, భవిష్యత్తులో మెగాస్టార్‌తో సినిమా చేసే అవకాశాలు మరింత మెరుగవుతాయని సినీ విశ్లేషకులు భావిస్తున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
