|  
● FLASH NEWS
Test: న్యూజిలాండ్‌పై భారత్ పరుగుల సునామీ.. 720/9తో భారీ ఆధిక్యం  •  Canada: కెనడాలో ఇద్దరి కాల్చివేత.. వెలుగులోకి సంచలన విషయాలు!  •  Health: రాప్తాడు బాలిక ఆరోగ్యంపై తీపి కబురు.. త్వరలోనే ఇంటికి!  •  Drugs: డ్రగ్స్ ముఠాలకు హైదరాబాద్ సీపీ హెచ్చరిక.. ఇక ఆస్తులపైనే గురి!  •  Congress: సంక్షేమ పథకాల పేరుతో ప్రజలను మోసం చేస్తున్నారు.. కేపీ వివేకానంద్ ఫైర్  •  Trump: ఇరాన్‌పై దాడులకు తొందరపడొద్దన్న ట్రంప్  • 
Skip to content

Tamil Nadu Politics : కాంగ్రెస్ కు బిగ్ షాక్ ఇచ్చిన సీఎం విజయ్.. రాజీవ్ గాంధీ హంతకుడికి నివాళులు, రగులుతున్న రాజకీయం?

చెన్నై, సూర్య న్యూస్: తమిళనాడు (Tamil Nadu) రాజకీయాల్లో ఊహించని పరిణామం చోటు చేసుకుంది. కాంగ్రెస్ (Congress) పార్టీ మద్దతుతో ప్రభుత్వాన్ని ఏర్పాటు చేసిన ముఖ్యమంత్రి విజయ్ (CM Vijay), మాజీ ప్రధాని రాజీవ్ గాంధీ (Rajiv Gandhi) హంతకుడైన ఎల్టీటీఈ చీఫ్ ప్రభాకరన్ కు పరోక్షంగా నివాళులు అర్పించడం తీవ్ర సంచలనంగా మారింది. రాజీవ్ గాంధీ వర్ధంతికి (మే 21) మరో రెండు రోజులు ఉందనగా ఈ పరిణామం చోటు చేసుకోవడం రాజకీయ దుమారం (Political Uproar) రేపుతోంది.

ఇటీవల శ్రీలంకలోని (Sri Lanka) ముల్లైవైక్కాల్ (Mullivaikkal) ఘటన వార్షిక దినం సందర్భంగా సీఎం విజయ్ తన సోషల్ మీడియా (Social Media) వేదికగా స్పందించారు. ముల్లైవైక్కాల్ జ్ఞాపకాలను తమ హృదయాల్లో మోస్తామని, సముద్రం ఆవల నివసిస్తున్న తమిళుల హక్కుల కోసం ఎప్పుడూ అండగా నిలుస్తామని ఆయన పేర్కొన్నారు. 2009 మే 18న శ్రీలంక సైన్యం ఎల్టీటీఈ (LTTE) చీఫ్ ప్రభాకరన్ (Prabhakaran) ను అంతమొందించిన విషయం తెలిసిందే. ఈ నేపథ్యంలో విజయ్ చేసిన వ్యాఖ్యలు కాంగ్రెస్ శ్రేణుల్లో తీవ్ర అసంతృప్తికి కారణమవుతున్నాయి.

​ఈ వివాదంపై భారతీయ జనతా పార్టీ (BJP) తీవ్ర స్థాయిలో మండిపడుతోంది. బీజేపీ ఐటీ సెల్ చీఫ్ అమిత్ మాల్వియా (Amit Malviya) స్పందిస్తూ, కాంగ్రెస్ అగ్రనేత రాహుల్ గాంధీపై (Rahul Gandhi) విమర్శల వర్షం కురిపించారు. అధికారంలో వాటా దక్కితే చాలు, రాజీవ్ గాంధీ హత్యకు కారణమైన ఉగ్రవాద సంస్థ అధినేతకు మిత్రపక్ష ముఖ్యమంత్రి నివాళులు అర్పించినా కాంగ్రెస్ కు ఎలాంటి అభ్యంతరం ఉండదేమో అని ఆయన తీవ్ర స్థాయిలో ఎద్దేవా చేశారు.

మరోవైపు ముఖ్యమంత్రి విజయ్ (Thalapathy Vijay) వ్యాఖ్యలను టీవీకే (TVK) పార్టీ సమర్థించుకుంది. ముల్లైవైక్కాల్ (Mullivaikkal Remembrance Day) అనేది కేవలం ప్రభాకరన్ మరణానికి సంబంధించినది మాత్రమే కాదని, శ్రీలంక అంతర్యుద్ధంలో ప్రాణాలు కోల్పోయిన వేలాది మంది అమాయక తమిళుల జ్ఞాపకార్థం ఆయన ఈ వ్యాఖ్యలు చేశారని పార్టీ వర్గాలు వివరణ ఇచ్చాయి. తమకు అండగా నిలిచిన నాయకుడిని కోల్పోయిన ఈళం తమిళుల (Eelam Tamils) కోసం గొంతెత్తాల్సిన బాధ్యత తమపై ఉందని పార్టీ స్పష్టం చేసింది. కాంగ్రెస్ మద్దతుతో కొనసాగుతున్న విజయ్ మైనారిటీ ప్రభుత్వం, ఈ తాజా వివాదంతో ఎలాంటి రాజకీయ పరిణామాలను ఎదుర్కొంటుందో వేచి చూడాలి.

ఈ వార్తపై మీ స్పందన?

🔥 గత 24 గంటల్లో అత్యధికంగా చదివిన వార్తలు

ఇవి గత 24 గంటల్లో ఎక్కువ మంది చదివిన వార్తలు