|  
● FLASH NEWS
Canada: కెనడాలో ఇద్దరి కాల్చివేత.. వెలుగులోకి సంచలన విషయాలు!  •  Health: రాప్తాడు బాలిక ఆరోగ్యంపై తీపి కబురు.. త్వరలోనే ఇంటికి!  •  Drugs: డ్రగ్స్ ముఠాలకు హైదరాబాద్ సీపీ హెచ్చరిక.. ఇక ఆస్తులపైనే గురి!  •  Congress: సంక్షేమ పథకాల పేరుతో ప్రజలను మోసం చేస్తున్నారు.. కేపీ వివేకానంద్ ఫైర్  •  Trump: ఇరాన్‌పై దాడులకు తొందరపడొద్దన్న ట్రంప్  •  BRS: సిద్దిపేట సభ అట్టర్ ఫ్లాప్.. రేవంత్‌పై గట్టు రాంచందర్ రావు ఫైర్  • 
Skip to content

Dubai : హీరో స్మిత్‌కు ఆత్మీయంగా ముద్దుపెట్టిన దుబాయ్ ప్రిన్స్.. ప్రశంసించిన ఐఏఎఫ్ చీఫ్

సూర్య న్యూస్ డెస్క్ : విమానంలో దాడికి గురై అత్యంత సాహసంతో ప్రయాణికుల ప్రాణాలు కాపాడిన ఫ్లైదుబాయ్ (Flydubai) పైలట్ స్మిత్ మచ్చర్‌పై (Smit Machchhar) సర్వత్రా ప్రశంసల జల్లు కురుస్తోంది. ఆసుపత్రిలో చికిత్స పొందుతున్న ఆయనను దుబాయ్ ప్రిన్స్ పరామర్శించగా, ఇండియన్ ఎయిర్ ఫోర్స్ చీఫ్ ఏపీ సింగ్ ఆయన ధైర్యసాహసాలను ఎంతగానో కొనియాడారు.

ఆప్యాయంగా ముద్దాడిన దుబాయ్ ప్రిన్స్

ఫ్లైదుబాయ్ విమానంలో జరిగిన ఘటనలో ఎంతో బాధ్యతతో, వీరోచితంగా పోరాడిన కెప్టెన్ స్మిత్‌ను దుబాయ్ ప్రిన్స్ హమ్దాన్ బిన్ మహ్మద్ ఆసుపత్రిలో స్వయంగా కలిసి పరామర్శించారు. బెడ్‌పై చికిత్స పొందుతున్న స్మిత్‌తో చేయి కలిపి, ఆయన నుదుటిపై ఆప్యాయంగా ముద్దు పెట్టారు. స్మిత్ తమ ఫ్లైదుబాయ్ టీమ్, దేశ చరిత్రలో భాగంగా ఉన్నందుకు గర్విస్తున్నామని, దేశం తరపున ఆయనకు అభినందనలు తెలియజేస్తున్నట్లు ప్రిన్స్ ట్వీట్ చేశారు.

మనందరికీ స్ఫూర్తి: ఏపీ సింగ్

మరోవైపు పైలట్ స్మిత్ సంకల్పంపై ఇండియన్ ఎయిర్ ఫోర్స్ (ఐఏఎఫ్) చీఫ్ ఏపీ సింగ్ ప్రశంసలు కురిపించారు. ప్రతి భారతీయుడు అతణ్ణి చూసి గర్వపడుతున్నాడని, అతని ధైర్యసాహసాలు అసాధారణమని కొనియాడారు. స్మిత్ భౌతికంగా, మానసికంగా ప్రదర్శించిన గొప్ప స్థైర్యం మనందరికీ స్ఫూర్తి అని ఆయన ప్రెస్ మీట్‌లో వెల్లడించారు.

రఫేల్ డీల్‌పై కీలక వ్యాఖ్యలు

ఇదే సమావేశంలో ఐఏఎఫ్ చీఫ్ ఏపీ సింగ్ కీలక రక్షణ విషయాలను కూడా పంచుకున్నారు. ఈ ఆర్థిక సంవత్సరం ముగిసేలోగా 114 రఫేల్ ఫైటర్ జెట్ల డీల్‌ను ఫైనల్ చేయాలని చూస్తున్నట్లు ఆయన వెల్లడించారు. అలాగే, రష్యా సైతం తమ ఎస్‌యూ-57 (SU-57) ఫైటర్ జెట్స్‌‌ను భారత్‌కు ఆఫర్ చేసినట్లు ఆయన ఈ సందర్భంగా స్పష్టం చేశారు.

ఈ వార్తపై మీ స్పందన?

🔥 గత 24 గంటల్లో అత్యధికంగా చదివిన వార్తలు

ఇవి గత 24 గంటల్లో ఎక్కువ మంది చదివిన వార్తలు