సభ్యసమాజం తలదించుకునే అత్యంత దారుణమైన మరియు పైశాచిక ఘటన మధ్యప్రదేశ్ రాష్ట్రంలోని ఖాండ్వా జిల్లాలో వెలుగుచూసింది, వయసు మీద పడి నిస్సహాయ స్థితిలో ఉన్న 90 ఏళ్ల వృద్ధురాలిపై కామాంధులు సామూహిక అత్యాచారానికి ఒడిగట్టారు, జిల్లా కేంద్రానికి 55 కిలోమీటర్ల దూరంలో ఉన్న పునాసా ప్రాంత వ్యవసాయ పొలంలో ఒంటరిగా గుడిసెలో నివసిస్తున్న ఆ వృద్ధురాలికి కనీసం జాలి చూపకుండా ముసుగులు ధరించిన నలుగురు మృగాళ్లు ఈ అమానుషానికి పాల్పడ్డారు
బావిలో పడేసి హత్యాయత్నం:
గురువారం రాత్రి గుడిసెలోకి చొరబడిన దుండగులు దారుణానికి ఒడిగట్టిన అనంతరం ఆధారాలు చెరిపేసే ఉద్దేశంతో ఆమెను సమీపంలోని బావిలో విసిరేసి హత్య చేసేందుకు సైతం వెనుకాడలేదు, ప్రాణాపాయ స్థితిలో తీవ్ర గాయాలతో ఉన్న బాధితురాలు మరుసటి రోజు తన కుమార్తెకు ఈ ఘోరాన్ని వివరించింది, వెంటనే అప్రమత్తమైన కుటుంబ సభ్యులు ఆమెను ఆసుపత్రికి తరలించారు
పోలీసుల కఠిన చర్యలు – దర్యాప్తు ముమ్మరం:
ఆసుపత్రి వర్గాల సమాచారంతో రంగంలోకి దిగిన పోలీసులు భారతీయ న్యాయ సంహిత సెక్షన్ 70 కింద సామూహిక అత్యాచారం కేసు నమోదు చేశారు, పోలీసు ఉన్నతాధికారులు అదనపు ఎస్పీ నేతృత్వంలో ప్రత్యేక దర్యాప్తు బృందాన్ని (SIT) ఏర్పాటు చేశారు, నిందితుల ఆచూకీ కోసం మూడు బృందాలు గాలిస్తుండగా సమాచారం ఇచ్చిన వారికి 10 వేల రూపాయల రివార్డును ప్రకటించారు, ప్రస్తుతం జిల్లా ఆసుపత్రిలో చికిత్స పొందుతున్న బాధితురాలి పరిస్థితి నిలకడగా ఉందని వైద్యులు తెలిపారు
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
