Shocking Crime : 14 ఏళ్ల బాలికకు కడుపు చేసిన ఆటో డ్రైవర్లు.. ఆసుపత్రిలో మగబిడ్డ జననం.. అసలేం జరిగింది?

Kurnool, Surya News: కర్నూలు (Kurnool) నగర శివారులో అత్యంత దారుణమైన ఘటన వెలుగులోకి వచ్చింది. కేవలం 14 ఏళ్ల వయసున్న ఒక మైనర్ బాలిక (Minor Girl) గర్భం దాల్చి పండంటి మగబిడ్డకు జన్మనిచ్చింది. రోజూ ఆటోలో స్కూల్ కు వెళ్లే ఆ చిన్నారి పట్ల ఇద్దరు డ్రైవర్లు అమానుషంగా ప్రవర్తించారు. వివరాల్లోకి వెళితే నగర శివారులోని ఒక గ్రామానికి చెందిన దంపతులు కూలి పనులు చేసుకుంటూ తమ కుమార్తెను చదివిస్తున్నారు. తొమ్మిదో తరగతి చదువుతున్న ఆ బాలికను వారు రోజూ ఆటోలో పాఠశాలకు (School) పంపేవారు.

ఆ ఆటో నడుపుతున్న బోయ మహేంద్ర అనే డ్రైవర్ (Auto Driver) మాయమాటలు చెప్పి బాలికపై లైంగిక దాడికి పాల్పడ్డాడు. అనంతరం అతడి స్నేహితుడైన ట్రాక్టర్ డ్రైవర్ (Tractor Driver) తెలుగు శివకుమార్ కూడా ఆ బాలికను బెదిరించి అత్యాచారం చేశాడు. ఈ విషయం ఎవరికైనా చెబితే చంపేస్తామని వారు ఆ చిన్నారిని తీవ్రంగా బెదిరించారు. ప్రాణభయంతో ఆ బాలిక ఈ విషయాన్ని ఇంట్లో ఎవరికీ చెప్పలేదు. దీనిని ఆసరాగా చేసుకున్న ఆ ఇద్దరు నిందితులు తరచూ ఆమెపై లైంగిక వేధింపులకు (Sexual Harassment) పాల్పడ్డారు.

వారి దారుణాల కారణంగా ఆ 14 ఏళ్ల బాలిక గర్భం (Pregnant) దాల్చింది. ఇటీవల ఆమెకు ఒంట్లో నలతగా అనిపించడంతో తల్లిదండ్రులు ఈ నెల 28వ తేదీన ప్రభుత్వ ఆసుపత్రికి తీసుకువెళ్లారు. అక్కడ ఆ బాలిక ఒక మగబిడ్డకు (Baby Boy) జన్మనిచ్చింది. ఈ ఊహించని పరిణామంతో ఖంగుతిన్న వైద్యులు వెంటనే పోలీసులకు (Police) సమాచారం అందించారు. రంగంలోకి దిగిన పోలీసులు విచారణ చేపట్టి వాస్తవాలను రాబట్టారు.