LPG Cylinder Booking : మారిన గ్యాస్ బుకింగ్ నిబంధనలు.. ఈ రూల్స్ పాటిస్తేనే సిలిండర్ డెలివరీ

హైదరాబాద్, సూర్య న్యూస్: దేశవ్యాప్తంగా వంట గ్యాస్ (LPG Gas) వినియోగదారులకు కేంద్ర ప్రభుత్వం (Central Government) కీలక అప్‌డేట్ ఇచ్చింది. పశ్చిమాసియాలో జరుగుతున్న ఇరాన్-ఇజ్రాయెల్ (Iran-Israel) యుద్ధం కారణంగా ఇంధన సరఫరాపై ఒత్తిడి నెలకొంది. ఈ నేపథ్యంలో గ్యాస్ నిల్వలను అరికట్టడం మరియు బ్లాక్ మార్కెటింగ్‌ను (Black Marketing) అడ్డుకోవడం కోసం గ్యాస్ బుకింగ్ (Gas Booking) నిబంధనల్లో ప్రభుత్వం మార్పులు చేసింది. ఇప్పటి వరకు తదుపరి సిలిండర్ బుక్ చేయడానికి 21 రోజుల గడువు ఉండేది. తాజా నిబంధనల ప్రకారం పట్టణ ప్రాంతాల్లో ఈ గడువును 25 రోజులకు పెంచారు. గ్రామీణ ప్రాంతాల్లో (Rural Areas) ఈ గడువు 45 రోజులుగా నిర్ణయించారు. ఈ వ్యవధి పూర్తయిన తర్వాత మాత్రమే తదుపరి సిలిండర్ (Cylinder) బుక్ చేసుకునే అవకాశం ఉంటుంది.

వినియోగదారులు తమ గ్యాస్ ఏజెన్సీలో నమోదు చేసుకున్న రిజిస్టర్డ్ మొబైల్ నెంబర్ (Registered Mobile Number) ద్వారా మాత్రమే బుకింగ్ చేయాలి. సిలిండర్ డెలివరీ సమయంలో డెలివరీ అథెంటికేషన్ కోడ్ (DAC Code) లేదా ఓటీపీ (OTP) చెప్పడం తప్పనిసరి చేశారు. ఈ కోడ్ ఇవ్వకపోతే సిలిండర్ డెలివరీ చేయరు. సబ్సిడీ (Subsidy) నిరంతరాయంగా పొందడానికి వినియోగదారులు వెంటనే ఈ-కేవైసీ (e-KYC) ప్రక్రియను పూర్తి చేయాలి. పారదర్శకతను పెంచడం కోసమే ప్రభుత్వం ఈ కఠిన నిబంధనలను అమలు చేస్తోంది.