Nalgonda Jobs : నిరుద్యోగులకు బంపర్ ఆఫర్.. 2 వేలకు పైగా ఉద్యోగాలు.. రిజిస్ట్రేషన్ ఫీజు లేదు.. పూర్తి వివరాలు ఇవే..

Nalgonda, Surya News: ఉమ్మడి నల్గొండ (Nalgonda) జిల్లాలోని నిరుద్యోగులకు ఇది ఒక అద్భుతమైన అవకాశం. మహాత్మా గాంధీ యూనివర్సిటీలో (Mahatma Gandhi University) భారీ జాబ్ మేళా (Mega Job Fair) నిర్వహించనున్నారు. ఈ మేరకు యూనివర్సిటీ అధికారులు ఒక అధికారిక ప్రకటన విడుదల చేశారు. తెలంగాణ అకాడమీ ఫర్ స్కిల్ అండ్ నాలెడ్జ్ (TASK) మరియు ఎంజీయూ సంయుక్తంగా ఈ ఉపాధి కార్యక్రమాన్ని ఏర్పాటు చేస్తున్నాయి.

ఈ మెగా జాబ్ ఫెయిర్ ఏప్రిల్ 4వ తేదీ శనివారం నాడు జరగనుంది. ఉదయం 9 గంటల నుండి ఈ ఇంటర్వ్యూలు (Interviews) ప్రారంభం అవుతాయి. నల్గొండ పరిధిలోని అన్నెపర్తి వద్ద ఉన్న మహాత్మా గాంధీ యూనివర్సిటీ క్యాంపస్ లో దీనిని నిర్వహించనున్నారు. ఈ మేళాలో ఐటీ (IT), కోర్, బ్యాంకింగ్ (Banking), రిటైల్, ఎఫ్ఎంసీజీ (FMCG), మేనేజ్మెంట్ రంగాలకు చెందిన 15 కు పైగా ప్రముఖ కంపెనీలు పాల్గొంటున్నాయి. ఈ కంపెనీల ద్వారా నిరుద్యోగులకు దాదాపు 2000 కు పైగా ఉద్యోగ అవకాశాలు (Job Offers) కల్పించనున్నారు.

ఈ జాబ్ మేళాలో పాల్గొనడానికి అభ్యర్థులు ఎలాంటి రిజిస్ట్రేషన్ ఫీజు (Registration Fee) చెల్లించాల్సిన అవసరం లేదు. పాలిటెక్నిక్ డిప్లొమా, బీటెక్ (B.Tech), బీఎస్సీ, బీకామ్ (B.Com), బీఫార్మసీ, ఎంబీఏ (MBA), ఎంసీఏ, ఎంఎస్సీ తో పాటు ఏదైనా సాధారణ డిగ్రీ పూర్తి చేసిన వారు దీనికి అర్హులు. 2020 సంవత్సరం నుండి 2026 వరకు విద్యాభ్యాసం పూర్తి చేసిన (Passed Outs) అభ్యర్థులు మాత్రమే ఈ అవకాశాన్ని సద్వినియోగం చేసుకోవాలి. ఆసక్తి గల అభ్యర్థులు క్యూఆర్ కోడ్ (QR Code) స్కాన్ చేసి ఆన్‌లైన్‌లో ముందుగా నమోదు చేసుకోవాలి. మరిన్ని వివరాల కోసం ఎంజీయూ ట్రైనింగ్ అండ్ ప్లేస్‌మెంట్ డైరెక్టర్ డాక్టర్ కె. హరీష్ కుమార్ ను (9912177528) లేదా పోస్టర్ లో పొందుపరిచిన ఇతర హెల్ప్ లైన్ నంబర్లను సంప్రదించవచ్చు.