Hyderabad, Surya News: తెలంగాణ రాష్ట్రంలోని నిరుద్యోగులకు రాష్ట్ర ప్రభుత్వం (State Government) భారీ శుభవార్త చెప్పింది. రాష్ట్ర హోంశాఖలో (Home Department) భారీ స్థాయిలో ఉద్యోగాల భర్తీకి రంగం సిద్ధం చేసింది. మొత్తంగా హోంశాఖ పరిధిలో దాదాపు 7 వేల కొలువుల భర్తీకి ప్రభుత్వం ఆమోదముద్ర వేసింది. వీటిలో ముందుగా 5 వేల పోలీస్ పోస్టుల (Police Posts) భర్తీకి అధికారికంగా ఉత్తర్వులు జారీ అయ్యాయి. మిగిలిన 2 వేల పోస్టుల కోసం కూడా అతి త్వరలో ఉత్తర్వులు వెలువడనున్నాయి.
ఈ తాజా నియామకాల్లో పోలీస్, జైళ్లు, అగ్నిమాపక శాఖలతో పాటు స్పెషల్ ప్రొటెక్షన్ ఫోర్స్ (SPF) విభాగాల్లో ఖాళీలను భర్తీ చేయనున్నారు. ప్రభుత్వం ఉత్తర్వులు జారీ చేసిన నేపథ్యంలో తెలంగాణ పోలీస్ నియామక మండలి (TSLPRB) కసరత్తు వేగవంతం చేసింది. రానున్న ఒకటి రెండు రోజుల్లోనే ఈ పోస్టులకు సంబంధించిన పూర్తి స్థాయి నోటిఫికేషన్ (Job Notification) విడుదల అయ్యే అవకాశం ఉంది. తెలంగాణ రాష్ట్రం ఏర్పడిన తర్వాత పోలీస్ శాఖలో ఇది వరుసగా నాలుగో భారీ నోటిఫికేషన్ కావడం విశేషం.
ప్రస్తుతం ఉత్తర్వులు జారీ అయిన 5 వేల పోస్టుల్లో అత్యధికంగా సివిల్ కానిస్టేబుల్ పోస్టులు (Civil Constable) 3,697 ఉన్నాయి. అలాగే ఏఆర్ కానిస్టేబుల్ పోస్టులు 1,052 కేటాయించారు. ఎస్సై విభాగంలో చూసుకుంటే సివిల్ ఎస్సై (Civil SI) 148, ఏఆర్ ఎస్సై 14, ఇంటెలిజెన్స్ సివిల్ ఎస్సై 3, ఫింగర్ ప్రింట్ బ్యూరోలో 23 పోస్టులు ఉన్నాయి. వీటితో పాటు కమ్యూనికేషన్స్, డ్రైవర్, మెకానిక్ లాంటి ఇతర సాంకేతిక విభాగాల్లో కూడా పలు ఖాళీలను భర్తీ చేయనున్నారు.
ఉద్యోగ అర్హతలు మరియు దరఖాస్తు విధానం:
కానిస్టేబుల్ పోస్టులకు (Constable Jobs) దరఖాస్తు చేసుకునే అభ్యర్థులు ఇంటర్మీడియట్ పాస్ అయి ఉండాలి.
ఎస్సై పోస్టులకు (SI Jobs) దరఖాస్తు చేసుకునే వారు ఏదైనా గుర్తింపు పొందిన యూనివర్సిటీ నుండి తప్పనిసరిగా డిగ్రీ పూర్తి చేసి ఉండాలి.
అభ్యర్థులకు పోలీస్ శాఖ నిర్దేశించిన కనీస శారీరక ప్రమాణాలు (Physical Standards) ఉండాలి.
ఈ ఉద్యోగాలకు ఆన్లైన్ విధానంలో (Online Application) మాత్రమే దరఖాస్తు చేసుకోవాల్సి ఉంటుంది.
అధికారిక నోటిఫికేషన్ విడుదలైన తర్వాత వయోపరిమితి, ఫీజు లాంటి పూర్తి వివరాలు తెలుసుకోవచ్చు.
దరఖాస్తుల కోసం అధికారిక వెబ్సైట్ (Official Website) www.tgprb.in ను సందర్శించాలి.
