Hyderabad, Surya News: ప్రముఖ టాలీవుడ్ నటుడు జూనియర్ ఎన్టీఆర్ (Jr NTR) కు గాయమైంది. సోమవారం (జూలై 27వ తేదీ) సాయంత్రం జూ. ఎన్టీఆర్ భుజానికి గాయమైనట్లు (Shoulder Injury) ఆయన కార్యాలయం ఒక ప్రకటనలో అధికారికంగా వెల్లడించింది. ఈ వార్త తెలుసుకున్న నందమూరి అభిమానులు ఒక్కసారిగా తీవ్ర ఆందోళనకు గురయ్యారు.
ప్రస్తుతం డాక్టర్ జె. మధుసూదన్ రావు మరియు డాక్టర్ ఆర్. ఏ. పూర్ణచంద్ర తేజస్వి నేతృత్వంలోని వైద్యుల బృందం (Medical Team) పర్యవేక్షణలో ఆయనకు చికిత్స జరుగుతున్నట్లు ఎన్టీఆర్ కార్యాలయం తెలిపింది. ఎన్టీఆర్ పూర్తిగా కోలుకోవడానికి ఆరు నుంచి ఎనిమిది వారాల పాటు పూర్తి విశ్రాంతి (Complete Rest) తీసుకోవాలని డాక్టర్లు సూచించినట్లు స్పష్టం చేసింది.
ఆయన అభిమానులు, శ్రేయోభిలాషులు ఎలాంటి ఆందోళన చెందాల్సిన అవసరం లేదని తెలియజేసింది. ఎన్టీఆర్ ఆరోగ్యం మరియు కోలుకునే ప్రక్రియకు సంబంధించిన అధికారిక సమాచారాన్ని (Health Update) తగిన సమయంలో ఎప్పటికప్పుడు అందిస్తామని ఎన్టీఆర్ టీమ్ పేర్కొంది.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
