AP Building Rules : భవన నిర్మాణదారులకు ఏపీ ప్రభుత్వం ఊరట.. బిల్డింగ్ నిబంధనల్లో కీలక మార్పులు.. కొత్త రూల్స్ ఇవే

AP Building Rules 2026 : అమరావతి, సూర్య న్యూస్: ఆంధ్రప్రదేశ్ ప్రభుత్వం (AP Government) భవన నిర్మాణదారులకు మరియు రియల్ ఎస్టేట్ (Real Estate) రంగానికి పెద్ద ఊరట నిస్తూ కీలక నిర్ణయం తీసుకుంది. ఏపీ బిల్డింగ్ రూల్స్ 2017 (AP Building Rules 2017) నిబంధనలకు కీలక సవరణలు చేస్తూ మున్సిపల్ అడ్మినిస్ట్రేషన్ మరియు అర్బన్ డెవలప్‌మెంట్ శాఖ తుది నోటిఫికేషన్ విడుదల చేసింది. కేంద్ర ప్రభుత్వం సూచించిన డీ-రెగ్యులేషన్ మార్గదర్శకాలకు అనుగుణంగా భవన నిర్మాణ నిబంధనల్లో 23 ప్రాధాన్య అంశాలతో పాటు మరో ఐదు కీలక అంశాలకు సవరణలు చేపట్టింది.

భవన నిర్మాణ అనుమతుల ప్రక్రియను మరింత సరళీకరించడం మరియు ఈజ్ ఆఫ్ డూయింగ్ బిజినెస్ (Ease of Doing Business) ప్రోత్సహించడమే లక్ష్యంగా ఈ నిర్ణయం తీసుకున్నారు. రిస్క్ ఆధారిత నియంత్రణ విధానాలను అమలు చేస్తూ పర్యావరణ హిత నిర్మాణాలు, పెట్టుబడులకు అనుకూలమైన విధానాలపై ప్రత్యేక దృష్టి సారించారు. ఈ సవరణల వల్ల పట్టణ ప్రాంతాల్లో భవన నిర్మాణ అనుమతులు మరింత వేగవంతం కానున్నాయి.

మరిన్ని బ్రేకింగ్ వార్తల కోసం

Surya News WhatsApp Channel లో జాయిన్ అవ్వండి

Join

నన్ హై-రైజ్ భవనాలకు (Non-High Rise Buildings) సంబంధించి 24 మీటర్ల ఎత్తు వరకు బాల్కనీల నిర్మాణానికి ప్రభుత్వం అనుమతి ఇచ్చింది. కనీసం మూడు మీటర్ల సెట్‌బ్యాక్ ఉన్న ప్లాట్లలో స్టిల్ట్ లేదా గ్రౌండ్ ఫ్లోర్ పైన 1.5 మీటర్ల వెడల్పుతో బాల్కనీ నిర్మించుకునే అవకాశం కల్పించారు. అలాగే భవనం ఎత్తును గరిష్టంగా రెండు మీటర్ల వరకు పెంచుకోవచ్చు. అయితే అనుమతించిన అంతస్తుల సంఖ్యలో ఎలాంటి మార్పు ఉండదని ప్రభుత్వం స్పష్టం చేసింది. ఈ ఎత్తు పెంపు ఖచ్చితంగా అగ్నిమాపక శాఖ (Fire Services) నిబంధనలకు లోబడి మాత్రమే అమలవుతుంది.

​హై-రైజ్ భవనాల (High Rise Buildings) విషయానికి వస్తే పార్కింగ్ ఫ్లోర్ ఎత్తును సెట్‌బ్యాక్‌ల లెక్కింపులో పరిగణించరు. అయితే మొత్తం భవనం ఎత్తు లెక్కింపులో పార్కింగ్ ఫ్లోర్ ఎత్తును చేర్చనున్నారు. అంతేకాకుండా హై-రైజ్ భవనాల్లో పార్కింగ్ ఏర్పాటు చేసినట్లయితే నిర్దిష్ట వెడల్పుతో మెకానికల్ లిఫ్ట్ (Mechanical Lift) లేదా ర్యాంపులు తప్పనిసరిగా ఏర్పాటు చేయాలని సర్కార్ ఆదేశించింది.

పర్యావరణ పరిరక్షణ మరియు ఈవీ రంగాన్ని ప్రోత్సహించే దిశగా 5,000 చదరపు మీటర్లకు పైగా నిర్మాణ విస్తీర్ణం ఉన్న వాణిజ్య సముదాయాలు, హౌసింగ్ సొసైటీలు, టౌన్‌షిప్‌లలో ఈవీ ఛార్జింగ్ సదుపాయాలు (EV Charging Infrastructure) తప్పనిసరి చేశారు. హై-రైజ్ భవనాలు, విద్యాసంస్థలు, ఆసుపత్రులు, పారిశ్రామిక భవనాలకు అగ్నిమాపక శాఖ ముందస్తు అనుమతి అవసరం. అలాగే 500 చదరపు మీటర్లకు పైగా ఫ్లోర్ ఏరియా ఉన్న నిర్దిష్ట భవనాలకు ఫైర్ సేఫ్టీ క్లియరెన్స్ (Fire Safety Clearance) తప్పనిసరి అని ఉత్తర్వుల్లో పేర్కొన్నారు.