AP Anganwadi Jobs : ఆంధ్రప్రదేశ్‌లో భారీగా అంగన్‌వాడీ ఉద్యోగాలు.. నోటిఫికేషన్ విడుదల

కేవలం పదో తరగతి అర్హతతో అంగన్‌వాడీ టీచర్, ఆయా పోస్టుల భర్తీకి దరఖాస్తుల ఆహ్వానం

ఆంధ్రప్రదేశ్‌లోని నిరుద్యోగ మహిళలకు మహిళా, శిశు అభివృద్ధి మరియు సాధికారత కార్యాలయం (WDCW) ఒక శుభవార్త అందించింది. రాష్ట్రంలోని నంద్యాల జిల్లా పరిధిలోని 6 ఐసీడీఎస్ (ICDS) ప్రాజెక్టుల్లో ఒప్పంద ప్రాతిపదికన ఖాళీగా ఉన్న అంగన్‌వాడీ కార్యకర్తలు, ఆయా పోస్టుల భర్తీకి అధికారులు అధికారిక నోటిఫికేషన్ విడుదల చేశారు. అర్హత, ఆసక్తి ఉన్న స్థానిక మహిళా అభ్యర్థులు సెప్టెంబర్ 18వ తేదీలోపు ఆఫ్‌లైన్ విధానంలో దరఖాస్తు చేసుకోవాలని సూచించారు.

​ఈ రిక్రూట్‌మెంట్ ద్వారా మొత్తం 70 ఖాళీలను భర్తీ చేయనున్నారు. వీటిలో ప్రధానంగా అంగన్‌వాడీ ఆయా పోస్టులు అధికంగా ఉన్నాయి. దరఖాస్తు చేసుకునే అభ్యర్థులు స్థానిక నివాసి అయి ఉండటంతో పాటు, విధిగా వివాహితులై ఉండాలనే నిబంధనను అధికారులు నోటిఫికేషన్‌లో స్పష్టంగా పేర్కొన్నారు. మెరిట్, అర్హతలు, రిజర్వేషన్ నిబంధనల ఆధారంగా ఎంపిక కమిటీ తుది నిర్ణయం తీసుకుంటుందని అధికారులు వెల్లడించారు.

ఉద్యోగాల వివరాలు:

నంద్యాల జిల్లా డబ్ల్యూడీసీడబ్ల్యూ పరిధిలో మొత్తం 70 ఖాళీలు ఉన్నాయి. వీటిలో 3 మెయిన్ అంగన్‌వాడీ కార్యకర్తల పోస్టులు ఉండగా, మిగిలిన 67 అంగన్‌వాడీ ఆయా పోస్టులు ఉన్నాయి.

అర్హతలు:

ఈ పోస్టులకు దరఖాస్తు చేసుకునే మహిళా అభ్యర్థులు కనీసం 10వ తరగతి ఉత్తీర్ణులై ఉండాలి. అభ్యర్థినులు తప్పనిసరిగా వివాహితులై ఉండాలి మరియు సంబంధిత ప్రాంతానికి స్థానిక నివాసి అయి ఉండాలి.

వయోపరిమితి:

అభ్యర్థుల వయసు జూలై 1, 2026 నాటికి 21 నుంచి 35 సంవత్సరాల మధ్య ఉండాలి. అయితే, ఎస్సీ, ఎస్టీ ప్రాంతాల్లో 21 ఏళ్ల అభ్యర్థులు అందుబాటులో లేకపోతే, కనీసం 18 ఏళ్లు నిండిన వారిని కూడా పరిశీలిస్తారు.

​ఎంపిక విధానం:

అభ్యర్థుల విద్యా అర్హతలు, మెరిట్ ఆధారంగా ఎంపిక ప్రక్రియ ఉంటుంది. ఎంపిక కమిటీ నిబంధనలను అనుసరించి అభ్యర్థులను షార్ట్‌లిస్ట్ చేసి తుది నిర్ణయం తీసుకుంటుంది.

దరఖాస్తు విధానం:

అర్హత ఉన్న మహిళా అభ్యర్థులు ఆఫ్‌లైన్ విధానంలో మాత్రమే దరఖాస్తు చేసుకోవాలి. దరఖాస్తు ఫారంతో పాటు వయసు/పుట్టిన తేదీ ధృవీకరణ పత్రం, కుల ధృవీకరణ పత్రం, 10వ తరగతి మార్కుల జాబితా/టీసీ, స్థానిక నివాస ధృవీకరణ పత్రం, ఆధార్ కార్డు, రేషన్ కార్డు జతచేయాలి. వితంతువులు లేదా దివ్యాంగులు అయితే సంబంధిత ధృవీకరణ పత్రాలను కూడా దరఖాస్తుకు జతచేయాల్సి ఉంటుంది.

ముఖ్యమైన తేదీలు:

ఆసక్తి ఉన్న అభ్యర్థులు సెప్టెంబర్ 18, 2026వ తేదీలోపు తమ దరఖాస్తులను ఆఫ్‌లైన్ విధానంలో సమర్పించాలి.

పేజీల కొద్దీ వార్తలు చదివే తీరిక లేదా?

అసలు విషయం ఏంటో 3 లైన్లలో ఫాస్ట్‌గా తెలుసుకోవాలంటే..

ఇప్పుడే మా WhatsApp ఛానల్‌లో జాయిన్ అవ్వండి! 🎯

Join