తమిళనాడు ముఖ్యమంత్రి (CM Vijay), స్టార్ హీరో అజిత్ (Ajith Kumar) లండన్‌లో కలుసుకున్న అరుదైన దృశ్యం అభిమానులను ఉక్కిరిబిక్కిరి చేస్తోంది. ఇంగ్లాండ్‌లోని సిల్వర్‌స్టోన్ సర్క్యూట్‌లో జరుగుతున్న ప్రతిష్టాత్మక మిచెలిన్ లీ మాన్స్ కప్ (Michelin Le Mans Cup) కార్ రేసింగ్ ఈవెంట్‌కు ముఖ్యమంత్రి హోదాలో విజయ్ ప్రత్యేక అతిథిగా హాజరయ్యారు. అక్కడ రేసింగ్ ట్రాక్ వద్ద తన మిత్రుడు అజిత్ కోసం ఎదురుచూసి, ఆయనను చూడగానే పరిగెత్తుకుంటూ వెళ్లి ఆత్మీయంగా ఆలింగనం చేసుకున్నారు.
రాజకీయాల్లోకి ప్రవేశించి ముఖ్యమంత్రి పీఠం అధిష్టించిన తర్వాత కూడా విజయ్ తన స్నేహితుడిని చూసి అంతే ఉత్సాహంగా పలకరించడం నెట్టింట వైరల్‌గా మారింది. ట్రాక్ వద్ద అజిత్‌ను సమీపించే క్రమంలో ఆయన తనదైన శైలిలో డ్యాన్స్ చేస్తూ దగ్గరికి వెళ్లి హత్తుకుని భుజంపై ముద్దు పెట్టారు. సీఎం హోదాలో ఉన్నప్పటికీ ఎలాంటి బేషజాలు లేకుండా తన ప్రాణమిత్రుడి పట్ల చూపించిన ఆత్మీయతకు అభిమానులు ఫిదా అవుతున్నారు.
సోషల్ మీడియాను షేక్ చేస్తున్న వీడియో
సినిమాలకు దూరమై పూర్తిగా రాజకీయాలపై దృష్టి పెట్టిన విజయ్, అటు సినిమాలతో పాటు మోటార్ స్పోర్ట్స్‌పై ఉన్న మక్కువతో రేసింగ్‌లో పాల్గొంటున్న అజిత్ ఇద్దరూ చాలా కాలం తర్వాత ఒకే ఫ్రేమ్‌లో కనిపించడం విశేషం. విజయ్ ముఖ్యమంత్రి అయినందుకు అజిత్ ఎంతో సంతోషం వ్యక్తం చేశారు. గతంలో అజిత్ తల్లి మరణించిన సమయంలోనూ విజయ్ నేరుగా వెళ్లి పరామర్శించి అండగా నిలిచారు. ఇప్పుడు వీరిద్దరూ అత్యంత ఉత్సాహంగా, ఆత్మీయంగా కలుసుకున్న వీడియో సోషల్ మీడియాలో విపరీతంగా ట్రెండ్ అవుతోంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
