హైదరాబాద్, ఫిబ్రవరి 27: టాలీవుడ్ విలక్షణ నటుడు శ్రీవిష్ణు కథానాయకుడిగా నటించిన తాజా చిత్రం ‘విష్ణు విన్యాసం’ నేడు ప్రపంచవ్యాప్తంగా థియేటర్లలో విడుదలైంది. సోషియో-ఫాంటసీ కామెడీ నేపథ్యంలో రూపొందిన ఈ చిత్రంపై ప్రేక్షకుల్లో భారీ అంచనాలు నెలకొన్నాయి. మరోవైపు, నేడు విడుదల కావాల్సిన సంచలన చిత్రం ‘ది కేరళ స్టోరీ 2’ పై కేరళ హైకోర్టు స్టే విధించడంతో ఆ సినిమా విడుదల నిలిచిపోయింది.
విష్ణు విన్యాసం: ఈ ఫాంటసీ కామెడీ ఆకట్టుకుంటుందా..?
వైవిధ్యమైన కథాంశాలతో వరుస విజయాలు అందుకుంటున్న శ్రీవిష్ణు, ఈసారి ఫాంటసీ ప్లస్ కామెడీ కాంబినేషన్ తో ప్రేక్షకుల ముందుకు వస్తున్నారు. శ్రీ విష్ణు ఇంతకు ముందు టచ్ చేయని కొత్త కాన్సెప్ట్ తో వస్తున్నారు. కొత్త కాన్సెప్ట్స్ అంటే వెతికి మరీ పట్టుకునే శ్రీ విష్ణు ఈ సారి ఈ కొత్త కాన్సెప్ట్ తనకి కలిసి వస్తుందా లేదా అనేది కాసేపట్లో తెలిసి పోతుంది.
నటీనటులు: శ్రీవిష్ణు సరసన నయనా శరికా కథానాయికగా నటించగా, ముర్లీ శర్మ, సత్య, బ్రహ్మాజీ, వెన్నెల కిషోర్ మరియు సత్యం రాజేష్ కీలక పాత్రలు పోషించారు.
సాంకేతిక నిపుణులు: యాదునాథ్ మారుతి రావు ఈ చిత్రానికి దర్శకత్వం వహించగా, చైతన్య భరద్వాజ్ సంగీతాన్ని అందించారు. ఈ సినిమాలో వాడిన వీఎఫ్ఎక్స్ (VFX) మరియు సినిమాటోగ్రఫీ ప్రధాన ఆకర్షణగా నిలుస్తున్నాయి.
వసూళ్ల అంచనా: మొదటి రోజు తెలుగు రాష్ట్రాల్లో ఈ చిత్రం 2 నుండి 3 కోట్ల రూపాయల వసూళ్లు సాధించే అవకాశం ఉందని ట్రేడ్ వర్గాలు అంచనా వేస్తున్నాయి. తొలి వారం ముగిసేసరికి ఇది 12 నుండి 15 కోట్ల మార్కును అందుకుంటుందని భావిస్తున్నారు.
కేరళ స్టోరీ 2 విడుదలకు బ్రేక్
అదా శర్మ ప్రధాన పాత్రలో నటించిన ‘ది కేరళ స్టోరీ 2’ చిత్రానికి చట్టపరమైన చిక్కులు ఎదురయ్యాయి. ఈ సినిమా విడుదలపై కేరళ హైకోర్టు 15 రోజుల పాటు స్టే విధిస్తూ ఆదేశాలు జారీ చేసింది. ఈ చిత్రం వల్ల మత సామరస్యం దెబ్బతినే అవకాశం ఉందని కోర్టు అభిప్రాయపడింది. సెన్సార్ బోర్డ్ సర్టిఫికేషన్ ఇష్యూస్ కారణంగా కూడా నేటి విడుదల రద్దయింది.
శ్రీ విష్ణు ‘విష్ణు విన్యాసం’ మూవీ టీజర్ఉం ఇక్కడ ఉంది. మీరు కూడా వీక్షించండి.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
