BRAOU Admissions 2026 : డా. బి.ఆర్. అంబేద్కర్ ఓపెన్ యూనివర్సిటీ 2026-27 అడ్మిషన్ల నోటిఫికేషన్ విడుదల

హైదరాబాద్, సూర్య న్యూస్ :​హైదరాబాద్‌లోని డాక్టర్ బి.ఆర్. అంబేద్కర్ ఓపెన్ యూనివర్సిటీ (BRAOU) 2026-27 విద్యా సంవత్సరానికి గానూ అడ్మిషన్ల (Admissions) నోటిఫికేషన్‌ను విడుదల చేసింది. డిగ్రీ (Degree), పీజీ, డిప్లొమా, సర్టిఫికెట్ కోర్సుల్లో ప్రవేశాల కోసం ఈ నోటిఫికేషన్ జారీ అయింది. దేశ పౌరులు ఎవరైనా తమ కనీస అర్హతను బట్టి ఈ కోర్సుల్లో చేరవచ్చు. అయితే అభ్యర్థులు తెలంగాణ రాష్ట్రంలో ఉన్న అధ్యయన కేంద్రాన్ని (Study Center) మాత్రమే ఎంచుకోవాల్సి ఉంటుంది.

డిగ్రీ (యూజీ) విభాగంలో బి.ఏ, బి.కామ్, బి.ఎస్సీ (సీబీసీఎస్) కోర్సులు అందుబాటులో ఉన్నాయి. పీజీ (ఎం.ఏ) విభాగంలో తెలుగు, ఇంగ్లీష్, హిందీ, ఉర్దూ, అర్థశాస్త్రం, చరిత్ర, ప్రభుత్వ పాలనా శాస్త్రం, రాజనీతి శాస్త్రం, సామాజిక శాస్త్రం, జర్నలిజం అండ్ మాస్ కమ్యూనికేషన్ కోర్సులు ఉన్నాయి. ఎం.ఎస్సీ విభాగంలో వృక్షశాస్త్రం, జంతుశాస్త్రం, భౌతికశాస్త్రం, రసాయనశాస్త్రం, పర్యావరణ శాస్త్రం, గణితశాస్త్రం, అనువర్తిత గణితశాస్త్రం కోర్సులు అందిస్తున్నారు. వీటితో పాటు ఎం.కామ్, ఎం.ఎల్.ఐ.ఎస్సీ, ఎం.బీ.ఏ, బీ.ఎల్.ఐ.ఎస్సీ వంటి పలు డిప్లొమా, సర్టిఫికెట్ కోర్సుల్లో ప్రవేశాలు కల్పిస్తున్నారు. ఈ కోర్సులకు బోధనా మాధ్యమం ఇంగ్లీష్, తెలుగు, ఉర్దూ భాషల్లో ఉంటుంది.

మరిన్ని బ్రేకింగ్ వార్తల కోసం

Surya News WhatsApp Channel లో జాయిన్ అవ్వండి

Join

డిగ్రీ కోర్సుల్లో చేరడానికి ఇంటర్మీడియట్ లేదా తత్సమాన విద్యార్హత ఉండాలి. పదో తరగతి తర్వాత ఏదైనా రెండేళ్ల కోర్సు (ఐటీఐ, డిప్లొమా, పాలిటెక్నిక్) లేదా ఓపెన్ స్కూల్‌లో ఇంటర్ పూర్తి చేసిన వారు కూడా డిగ్రీ కోర్సులకు అర్హులే. అర్హత గల అభ్యర్థులు మొదటి సంవత్సరంలో ప్రవేశాల కోసం ఆన్‌లైన్‌లో దరఖాస్తు చేసుకోవడానికి ఆగస్టు 20 వరకు గడువు ఉంది. దరఖాస్తు ప్రక్రియ జూన్ 14, 2025 న ప్రారంభం అవుతుంది.

ఇక ఇప్పటికే వివిధ కోర్సుల్లో చేరి ద్వితీయ, తృతీయ సంవత్సరం చదువుతున్న విద్యార్థులు తమ ట్యూషన్ ఫీజును (Tuition Fee) ఆగస్టు 7, 2026 లోపు ఆన్‌లైన్‌లో చెల్లించాల్సి ఉంటుంది. 2021-22 నుండి 2025-26 బ్యాచ్‌ల ద్వితీయ, తృతీయ సంవత్సరం ట్యూషన్ ఫీజు చెల్లింపులకు, అలాగే 2023-24 నుండి 2025-26 బ్యాచ్‌ల విద్యార్థులు ఏపీ ఆన్‌లైన్, టీఎస్ ఆన్‌లైన్ లేదా క్రెడిట్/డెబిట్ కార్డుల ద్వారా ఫీజును చెల్లించవచ్చు. పలు కోర్సుల విద్యార్హతలు, ఫీజుల పూర్తి వివరాల కోసం విశ్వవిద్యాలయ అధికారిక వెబ్‌సైట్లు www.braouonline.in లేదా www.braou.ac.in లో సంప్రదించవచ్చు.