హైదరాబాద్, సూర్య న్యూస్ : డాక్టర్ బి.ఆర్. అంబేద్కర్ సార్వత్రిక విశ్వవిద్యాలయం (Dr. B.R. Ambedkar Open University) 45వ వ్యవస్థాపక దినోత్సవ వేడుకలు ఘనంగా జరగనున్నాయి. ఈ వేడుకలను 2026 ఆగస్టు 28వ తేదీ శుక్రవారం ఉదయం 11:00 గంటలకు విశ్వవిద్యాలయ ప్రాంగణంలో నిర్వహించనున్నారు. సీఎస్టీడీ భవనంలోని డాక్టర్ సి. నారాయణ రెడ్డి ఆడిటోరియం (Auditorium) వేదికగా ఈ ప్రత్యేక కార్యక్రమాన్ని ఏర్పాటు చేసినట్లు అధికారులు ఒక ప్రకటనలో వెల్లడించారు.
ముఖ్య అతిథిగా వీసీ ప్రొఫెసర్ ఘంటా చక్రపాణిఈ ప్రతిష్టాత్మక కార్యక్రమానికి యూనివర్సిటీ వైస్ ఛాన్సలర్ ప్రొఫెసర్ ఘంటా చక్రపాణి ముఖ్య అతిథిగా హాజరు కానున్నారు. న్యూఢిల్లీకి చెందిన కామన్వెల్త్ ఎడ్యుకేషనల్ మీడియా సెంటర్ ఫర్ ఏషియా డైరెక్టర్ డాక్టర్ బి. షడ్రక్ ముఖ్య వక్తగా పాల్గొంటారు. ఆయన ‘ప్రజాస్వామ్యీకరించిన విద్యపై అంబేద్కర్ ఓపెన్ యూనివర్సిటీ వాగ్దానం’ అనే ఆసక్తికరమైన అంశంపై ప్రత్యేక ఉపన్యాసం చేయనున్నారు.
ఈ కార్యక్రమానికి యూనివర్సిటీ అకాడమిక్ డైరెక్టర్ ప్రొఫెసర్ జి. పుష్ప చక్రపాణి అధ్యక్షత వహించనున్నారు. ఈ వేడుకల్లో రిజిస్ట్రార్ డాక్టర్ ఎల్. విజయ కృష్ణారెడ్డి పాల్గొంటారు. వీరితో పాటు ఇతర విభాగాల డైరెక్టర్లు, డీన్లు, ఉద్యోగ సంఘాల నాయకులు, అధ్యాపక మరియు బోధనేతర సిబ్బంది, పూర్వ ఉద్యోగులు, విద్యార్థులు పెద్ద సంఖ్యలో హాజరు కానున్నారు.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
