హైదరాబాద్, సూర్య న్యూస్: తెలంగాణ రాష్ట్రానికి చెందిన ఒక చిన్నారి తన అద్భుత మేధస్సుతో ప్రపంచాన్నే ఆశ్చర్యపరిచాడు. అటవీ, పర్యావరణ మరియు దేవాదాయ శాఖ మంత్రి కొండా సురేఖ (Minister Konda Surekha) మనవడు కొండా శ్రేయాన్ష్ మురళి కృష్ణ పటేల్ (Konda Shreyansh Patel) చెస్ క్రీడలో అరుదైన ఘనత సాధించాడు. కేవలం 2 సంవత్సరాల 11 నెలల వయసులోనే ఏకంగా రెండు ప్రపంచ రికార్డులు (Two World Records) సృష్టించి చరిత్ర పుటల్లోకెక్కాడు.
అబ్బుర పరచిన మేధస్సు:
93 చెక్‌మేట్స్!హైదరాబాద్ జూబ్లీహిల్స్‌లోని ఎమ్మెల్యేలు & ఎంపీలు కాలనీ కల్చరల్ సెంటర్‌లో ఏప్రిల్ 7వ తేదీన ‘రాయ్ చెస్ అకాడమీ’ (Roy Chess Academy) ఆధ్వర్యంలో ఈ అద్భుత ఘనత ఆవిష్కృతమైంది. కోచ్ రాజశేఖర్ రెడ్డి పర్యవేక్షణలో శ్రేయాన్ష్ తన ప్రతిభను ప్రదర్శించాడు.
మొదటి రికార్డు: కేవలం 15 నిమిషాల 52 సెకన్లలో 93 బ్యాక్-ర్యాంక్ చెక్‌మేట్స్ (Back Rank Checkmates) పజిల్స్‌ను పరిష్కరించడం.
రెండవ రికార్డు: 1 గంట 9 నిమిషాల 9 సెకన్లలో 21 చెస్ బోర్డులను (Setting up 21 Chess Boards) ఖచ్చితంగా అమర్చడం. దీనితో ‘వరల్డ్ బుక్ ఆఫ్ రికార్డ్స్ – లండన్’ (World Book of Records, London) లో శ్రేయాన్ష్ పేరును అధికారికంగా నమోదు చేశారు.
భావోద్వేగానికి లోనైన మంత్రి కొండా సురేఖ
ఈ వేడుకకు ఉప ముఖ్యమంత్రి భట్టి విక్రమార్క, క్రీడా మంత్రి వాకిటి శ్రీహరి ముఖ్య అతిథులుగా హాజరయ్యారు. శ్రేయాన్ష్ తల్లి కొండా సుస్మిత పటేల్, తండ్రి అభిలాష్ సమక్షంలో ఈ రికార్డుల నమోదు జరిగింది. తన మనవడు చిన్న వయసులోనే ప్రపంచ రికార్డు సాధించడం చూసి మంత్రి కొండా సురేఖ భావోద్వేగానికి గురై కన్నీళ్లు పెట్టుకున్నారు. ఈ చిన్నారి ప్రతిభ తెలంగాణ రాష్ట్రానికే గర్వకారణమని డిప్యూటీ సీఎం ప్రశంసించారు. వచ్చే జూన్ నెలలో లండన్ లోని బ్రిటిష్ పార్లమెంట్ (British Parliament) లో శ్రేయాన్ష్ ను అధికారికంగా సత్కరించనున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
