Power Star : అడవి శేష్ 'డెకాయిట్' లో మెరవనున్న పవర్ స్టార్ పవన్.. 'చిచ్చుబుడ్డి' సాంగ్ గ్రాండ్ సక్సెస్

హైదరాబాద్, సూర్య న్యూస్: టాలీవుడ్ టాలెంటెడ్ హీరో అడవి శేష్ (Adivi Sesh) నటిస్తున్న భారీ పాన్ ఇండియా మూవీ ‘డెకాయిట్’ (Dacoit) నుంచి అదిరిపోయే అప్‌డేట్ వచ్చింది. ఈ చిత్రంలో పవర్ స్టార్ పవన్ (Power Star Pawan) ఒక స్పెషల్ సాంగ్ లో మెరవనున్నారు. దీనికి సంబంధించిన ‘చిచ్చుబుడ్డి’ (Touchbuddy) సాంగ్ లాంచ్ ఈవెంట్ నిన్న ఉత్తరప్రదేశ్‌లోని గోరఖ్‌పూర్‌లో (Gorakhpur) అత్యంత గ్రాండ్‌గా జరిగింది. పవర్ స్టార్ ఎంట్రీతో అక్కడి మహంత్ దిగ్విజయనాథ్ పార్క్‌లో ఉన్న అభిమానులు ఊగిపోయారు. అడవి శేష్ తో కలిసి పవర్ స్టార్ పవన్ వేసిన మాస్ స్టెప్పులు ఈ సాంగ్ కు హైలైట్ గా నిలిచాయి.

అయితే ఇక్కడ ఈ స్పెషల్ సాంగ్ లో ఆడిపాడిన పవర్ స్టార్ మన టాలీవుడ్ పవర్ స్టార్ పవన్ కళ్యాణ్ గారు కాదు. భోజ్‌పురి (Bhojpuri) చిత్ర పరిశ్రమలో పవర్ స్టార్ గా వెలుగొందుతున్న ప్రముఖ నటుడు పవన్ సింగ్ (Pawan Singh). భోజ్‌పురి నాట ఆయనకు విపరీతమైన క్రేజ్ ఉంది. ఇప్పుడు ఆయన అడవి శేష్ సినిమా ద్వారా పాన్ ఇండియా స్థాయిలో తెలుగు ప్రేక్షకులను కూడా పలకరించనున్నారు. ఈ స్పెషల్ సాంగ్ లో పవన్ సింగ్ తో పాటు ప్రముఖ బాలీవుడ్ సింగర్ జోనితా గాంధీ (Jonita Gandhi) కూడా ఆడిపాడారు.

సంగీత దర్శకుడు భీమ్స్ సిసిరోలియో (Bheems Ceciroleo) ఈ పాటకు అదిరిపోయే మాస్ ట్యూన్ అందించారు. గోరఖ్‌పూర్‌లో జరిగిన ఈవెంట్‌లో అడవి శేష్, పవన్ సింగ్, జోనితా గాంధీ ముగ్గురూ స్టేజ్ పై తమ పవర్ ప్యాక్డ్ పెర్ఫార్మెన్స్ తో అభిమానులను అలరించారు. దర్శకుడు షానిల్ డియో (Shaneil Deo) తెరకెక్కిస్తున్న ఈ యాక్షన్ డ్రామాలో మృణాల్ ఠాకూర్ (Mrunal Thakur) హీరోయిన్ గా నటిస్తున్నారు. ఈ సినిమా ఏప్రిల్ 10, 2026 న ప్రపంచవ్యాప్తంగా విడుదల కానుంది.