హైదరాబాద్, సూర్య న్యూస్ : గ్లోబల్ స్టార్ రామ్ చరణ్ (Ram Charan) హీరోగా స్టార్ డైరెక్టర్ సుకుమార్ దర్శకత్వంలో తెరకెక్కుతున్న ప్రతిష్టాత్మక చిత్రం ‘RC17’కి సంబంధించి కీలక అప్‌డేట్ బయటకొచ్చింది. ఈ క్రేజీ ప్రాజెక్ట్ కోసం రామ్ చరణ్ లుక్ టెస్ట్ విజయవంతంగా పూర్తయినట్లు సమాచారం.
తాజాగా జరిగిన ఈ ఫొటో షూట్‌లో రామ్ చరణ్‌తో పాటు హీరోయిన్ సారా అర్జున్ కూడా పాల్గొన్నట్లు తెలుస్తోంది. ఈ సినిమాలో రామ్ చరణ్ సరికొత్త అవతారంలో కనిపించనున్నారు. దీనికోసం ఆయన బరువు తగ్గి, పొడవాటి జుట్టుతో విభిన్నమైన లుక్‌లో మేకోవర్ అయినట్లు సోషల్ మీడియాలో జోరుగా ప్రచారం జరుగుతోంది. ఈ మేరకు ఆయన కొత్త లుక్ ఫోటోలు నెట్టింట చక్కర్లు కొడుతున్నాయి.
రంగస్థలం వంటి బ్లాక్ బస్టర్ హిట్ తర్వాత రామ్ చరణ్, సుకుమార్ కాంబినేషన్‌లో వస్తున్న సినిమా కావడంతో ‘RC17’పై భారీ అంచనాలు నెలకొన్నాయి. ఇప్పటికే డైరెక్టర్ సుకుమార్ ఈ సినిమా ప్రీ ప్రొడక్షన్ పనులను దాదాపుగా పూర్తి చేసినట్లు సినీ వర్గాలు వెల్లడించాయి. కాగా, నవంబర్ 1వ తేదీన ఈ సినిమా పూజా కార్యక్రమం లాంఛనంగా జరగనుందని సమాచారం.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
