Hyderabad, Surya News: మెగాస్టార్ చిరంజీవి (Megastar Chiranjeevi) తన అభిమానులకు సర్ ప్రైజ్ ఇవ్వడంలో ఎప్పుడూ ముందుంటారు. తాజాగా తన సినిమాలకు సంబంధించిన అప్డేట్స్ను స్వయంగా బయటపెట్టే ‘చిరు లీక్స్’ (Chiru Leaks) మళ్లీ మొదలైంది. డైరెక్టర్ బాబీ కొల్లి (KS Ravindra) దర్శకత్వంలో తెరకెక్కుతున్న తన కొత్త సినిమా ‘మెగా 158’ టైటిల్ను చిరంజీవి అనుకోకుండా వేదికపై లీక్ చేశారు. ప్రస్తుతం ఇందుకు సంబంధించిన వీడియో నెట్టింట విపరీతంగా వైరల్ అవుతోంది.
ఈరోజు జరిగిన ‘కొరియన్ కనకరాజు’ సక్సెస్ మీట్ కు చిరంజీవి ముఖ్య అతిథిగా హాజరయ్యారు. అక్కడ యాంకర్ ‘మెగా 158’ (Mega 158) సినిమా అప్డేట్ గురించి అడగగా మెగాస్టార్ మైక్ అందుకున్నారు. పక్కనే ఉన్న సంగీత దర్శకుడు తమన్ ను అడుగుతూ “సేమ్ టైటిల్ కదిరి లాగా..” అంటూ సగంలోనే ఆపేశారు. దీంతో ఈ సినిమాకు ‘కదిరి నరసింహుడు’ అనే పేరును ఖరారు చేసినట్లు నెట్టింట జోరుగా ప్రచారం జరుగుతోంది. గతంలో ఈ సినిమాకు ‘కాకాజీ’ అనే పేరు పెడతారని వార్తలు రాగా ఇప్పుడు ‘కదిరి’ పేరు తెరపైకి రావడం ఆసక్తికరంగా మారింది.
వాల్తేరు వీరయ్య లాంటి బ్లాక్ బస్టర్ తర్వాత చిరంజీవి, బాబీ కాంబినేషన్లో వస్తున్న సినిమా కావడంతో దీనిపై భారీ అంచనాలు నెలకొన్నాయి. ఈ చిత్రంలో మలయాళ నటి అనస్వర రాజన్ ఓ కీలక పాత్రలో నటిస్తుండగా, ప్రియమణి మరియు బండ్ల గణేష్ తదితరులు ముఖ్య పాత్రలు పోషిస్తున్నారు. జాతీయ స్థాయిలో ట్యాక్సిక్, జన నాయకుడు లాంటి భారీ చిత్రాలను నిర్మించిన కేవీఎన్ ప్రొడక్షన్స్ (KVN Productions) సంస్థ ఈ సినిమాను అత్యంత ప్రతిష్టాత్మకంగా నిర్మిస్తోంది. ఈ చిత్రానికి తమన్ సంగీతం అందిస్తున్నారు.
ప్రస్తుతం ఈ సినిమా షూటింగ్ శరవేగంగా జరుగుతోంది. మెగాస్టార్ పుట్టినరోజు (Chiranjeevi Birthday) సందర్భంగా ఆగస్టు 22న ఈ సినిమా టైటిల్ తో పాటు టీజర్ను అధికారికంగా విడుదల చేసే అవకాశం ఉన్నట్లు తెలుస్తోంది. అయితే అఫీషియల్ అనౌన్స్మెంట్ రాకముందే టైటిల్ బయటకు రావడంతో మెగా అభిమానులు పండగ చేసుకుంటున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
