రిపోర్టర్: Surya News
హైదరాబాద్, సూర్య న్యూస్ : పేటీఎం (Paytm) దీపావళి కానుకగా రూ.1,000 ఇస్తోందని, వెంటనే క్లెయిమ్ చేసుకోండంటూ వాట్సాప్‌లో విపరీతంగా వైరల్ అవుతున్న మెసేజ్‌లను నమ్మొద్దని టీజీఎస్‌ఆర్టీసీ ఎండీ వీసీ సజ్జనార్ తీవ్రంగా హెచ్చరించారు. పండుగ కానుకల పేరుతో సైబర్ నేరగాళ్లు పంపుతున్న ఫేక్ లింకుల పట్ల ప్రజలు అప్రమత్తంగా ఉండాలని ఆయన సూచించారు.
నమ్మిస్తే.. ఖాతాలు ఖాళీయే!
'నేను ఫేక్ అనుకున్నా.. కానీ నిజంగానే రూ.1,000 వచ్చాయి. మీరూ ట్రై చేయండి' అంటూ అత్యంత సహజంగా నమ్మించేలా సైబర్ కేటుగాళ్లు ఈ మెసేజ్‌లను రూపొందిస్తున్నారని సజ్జనార్ వివరించారు. ఆశపడి అలాంటి గుర్తుతెలియని లింకులపై క్లిక్ చేస్తే, ఫోన్‌లోని మన వ్యక్తిగత వివరాలన్నీ హ్యాకర్ల చేతుల్లోకి వెళ్తాయని స్పష్టం చేశారు. తద్వారా క్షణాల్లో బ్యాంక్ ఖాతాల్లోని డబ్బు మొత్తం ఖాళీ అవుతుందని ఆయన ప్రజలను హెచ్చరించారు. ఇలాంటి ఆఫర్ల పట్ల అప్రమత్తంగా ఉండాలని, అనుమానాస్పద లింకులను క్లిక్ చేయవద్దని కోరారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
