న్యూఢిల్లీ, Surya News: దేశ అత్యున్నత న్యాయస్థానం (Supreme Court of India) వ్యభిచారం మరియు సెక్స్ వర్కర్ల (Sex workers) హక్కులపై సంచలన తీర్పును వెలువరించింది. స్వచ్ఛందంగా వ్యభిచార వృత్తిని (Prostitution) ఎంచుకోవడం చట్టబద్ధమేనని ధర్మాసనం స్పష్టం చేసింది. మానవ అక్రమ రవాణా బాధితుల రక్షణ మరియు లైంగిక కార్మికుల గౌరవ జీవనానికి సంబంధించి సుప్రీంకోర్టు కీలక మార్గదర్శకాలు జారీ చేసింది.
స్వచ్ఛంద వృత్తికి చట్టబద్ధతజస్టిస్ జె.బి. పార్దివాలా మరియు జస్టిస్ ఆర్. మహదేవన్ లతో కూడిన ద్విసభ్య ధర్మాసనం ఈ కీలక తీర్పును వెల్లడించింది. రాజ్యాంగంలోని ఆర్టికల్ 21 (Article 21) ప్రకారం జీవించే హక్కులో భాగంగా వయోజనులు తమకు నచ్చిన వృత్తిని ఎంచుకునే హక్కును కలిగి ఉన్నారని కోర్టు పేర్కొంది. 18 సంవత్సరాలు నిండిన వారు ఇష్టపూర్వకంగా ఈ వృత్తిలో కొనసాగితే వారిని నేరస్థులుగా చూడకూడదని స్పష్టం చేసింది. లైంగిక కార్మికులు సైతం భారత రాజ్యాంగం (Constitution) ప్రకారం గౌరవం మరియు సమాన రక్షణ పొందే హక్కును కలిగి ఉంటారని కోర్టు కుండబద్దలు కొట్టింది.
పోలీసులకు సీరియస్ వార్నింగ్సెక్స్ వర్కర్లు స్వచ్ఛందంగా ఈ వృత్తిలో ఉన్నప్పుడు పోలీసులు (Police) వారిని వేధించడం లేదా అరెస్టు చేయడం చేయరాదని సుప్రీంకోర్టు గట్టిగా హెచ్చరించింది. దాడులు చేసినప్పుడు వారిని బలవంతంగా రెస్క్యూ హోమ్స్ కు (Rescue homes) తరలించవద్దని ఆదేశించింది. అలాగే కండోమ్స్ (Condoms) కలిగి ఉండటాన్ని నేరంగా పరిగణించరాదని మరియు దీనిని సాకుగా చూపి లైంగిక కార్మికులపై కేసులు నమోదు చేయకూడదని పోలీసులకు సూచించింది. వారి ప్రైవసీని దెబ్బతీసేలా ఎట్టి పరిస్థితుల్లోనూ వ్యవహరించవద్దని స్పష్టం చేసింది.
ట్రాఫికింగ్ బాధితులకు అండగాలైంగిక కార్మికులకు చట్టపరమైన హక్కులు ఉన్నప్పటికీ వ్యభిచార గృహాలు (Brothels) నడపడం మరియు ఇతరులను బలవంతంగా ఈ కూపంలోకి దించడం చట్టరీత్యా నేరమని న్యాయస్థానం వెల్లడించింది. మానవ అక్రమ రవాణా (Human trafficking) బాధితులకు తక్షణమే రక్షణ గృహాలు ఏర్పాటు చేసి సురక్షిత ఆశ్రయం మరియు వైద్యం అందించాలని ప్రభుత్వాలను (Governments) ఆదేశించింది. బాధితులకు తక్షణ ఆర్థిక సాయం అందించడంతో పాటు వారికి ఉపాధి శిక్షణ కార్యక్రమాలను ఏర్పాటు చేయాలని స్పష్టం చేసింది. అదేవిధంగా బాధితుల వ్యక్తిగత వివరాలు మరియు ఫోటోలు ఎట్టి పరిస్థితుల్లోనూ బయటకు రాకుండా పూర్తి గోప్యతను పాటించాలని కోర్టు కఠిన నిబంధనలను విధించింది.