అహ్మదాబాద్, సూర్య న్యూస్: ఐపీఎల్ 2026 (IPL 2026) సీజన్లో తెలుగు తేజం తిలక్ వర్మ (Tilak Varma) ఆకాశమే హద్దుగా చెలరేగిపోయాడు. అహ్మదాబాద్లోని నరేంద్ర మోదీ స్టేడియం వేదికగా గుజరాత్ టైటాన్స్తో (Gujarat Titans) జరిగిన మ్యాచ్లో తిలక్ విధ్వంసకర ఇన్నింగ్స్తో చరిత్ర సృష్టించాడు. కేవలం 45 బంతుల్లోనే అజేయంగా 101 పరుగులు సాధించి అరుదైన రికార్డులను తన ఖాతాలో వేసుకున్నాడు. మైదానం నలుమూలలా సిక్సర్లు, ఫోర్లతో విరుచుకుపడి ముంబై ఇండియన్స్ (MI) జట్టుకు భారీ విజయాన్ని అందించాడు.
ఈ మెరుపు సెంచరీతో తిలక్ వర్మ 18 ఏళ్ల నాటి భారీ రికార్డును అందుకున్నాడు. 2008 ఐపీఎల్ ప్రారంభ సీజన్లో శ్రీలంక దిగ్గజం సనత్ జయసూర్య (Sanath Jayasuriya) 45 బంతుల్లో సెంచరీ చేసి సృష్టించిన రికార్డును తిలక్ ఇప్పుడు సమం చేశాడు. ముంబై ఇండియన్స్ తరఫున ఐపీఎల్లో నమోదైన అత్యంత వేగవంతమైన సెంచరీగా (Fastest Century) ఇది రికార్డుల్లో నిలిచింది. ఈ క్రమంలో కామెరాన్ గ్రీన్ (47 బంతులు), సూర్యకుమార్ యాదవ్ (49 బంతులు)లను తిలక్ వెనక్కి నెట్టేశాడు.
📢 బ్రేకింగ్ న్యూస్ మిస్ అవ్వకండి!
తాజా వార్తలు వెంటనే పొందాలంటే Surya News అధికారిక WhatsApp Channel లో ఇప్పుడే Join అవ్వండి.
📲 Join WhatsApp Channelబలమైన బౌలింగ్ విభాగం కలిగిన గుజరాత్ టైటాన్స్పై సెంచరీ చేయడం సాధారణ విషయం కాదు. గతంలో 2023లో సూర్యకుమార్ యాదవ్ (Suryakumar Yadav) మాత్రమే ఈ ఘనత సాధించగా, ఇప్పుడు ఆ ఫీట్ సాధించిన రెండో ముంబై బ్యాటర్గా తిలక్ నిలిచాడు. క్లిష్ట సమయాల్లో జట్టును ఆదుకోవడమే కాకుండా, స్ట్రైక్ రేట్ను అమాంతం పెంచుతూ మ్యాచ్ స్వరూపాన్నే మార్చేశాడు.
హైదరాబాద్కు చెందిన తిలక్ వర్మ, ముంబై ఇండియన్స్ జట్టులో ఒక నమ్మకమైన ఫినిషర్గా ఎదిగాడు. ప్రతి సీజన్లోనూ తన ఆటను మెరుగుపరుచుకుంటూ టీమ్ ఇండియాలోనూ (Team India) కీలక సభ్యుడిగా మారాడు. అతని షాట్ సెలక్షన్, ముఖ్యంగా స్పిన్నర్లను ఎదుర్కోవడంలో చూపించే తెగువ అద్భుతం. ఈ మ్యాచ్లో అతను కొట్టిన లాఫ్టెడ్ డ్రైవ్లు, పుల్ షాట్లు ఫ్యాన్స్ను కట్టిపడేశాయి. ఈ ఇన్నింగ్స్తో రాబోయే అంతర్జాతీయ టీ20ల్లో తన స్థానాన్ని మరింత సుస్థిరం చేసుకున్నాడు.
