హైదరాబాద్, సూర్య న్యూస్ : సోషల్ మీడియాలో తనపై జరుగుతున్న బాడీ షేమింగ్ (Body Shaming) మరియు అసభ్యకర ట్రోలింగ్‌పై టాలీవుడ్ హీరోయిన్ పాయల్ రాజ్‌పుత్ (Payal Rajput) తీవ్ర స్థాయిలో మండిపడ్డారు. ఇటీవల ఒక ఈవెంట్‌లో ఆమె ధరించిన దుస్తులపై కొందరు నెటిజన్లు చేసిన అసభ్యకర వ్యాఖ్యలకు ఎక్స్ వేదికగా ఆమె స్ట్రాంగ్ కౌంటర్ ఇచ్చారు.
“నా శరీరం గురించి అసహ్యకరమైన కామెంట్లు చేస్తూ, వీడియోలు షేర్ చేస్తున్న ప్రతి ఒక్కరికీ సిగ్గుండాలి. నా బాడీ, నా సైజ్ నాకు గర్వకారణం” అని పాయల్ ఘాటుగా స్పందించారు. ఇతరుల శరీర ఆకృతి అనేది ఇతరుల చర్చలకు సంబంధించిన అంశం కాదని, ఎవరి పనులు వారు చూసుకుంటూ తమ హద్దుల్లో ఉండాలని ట్రోలర్స్‌ను ఆమె హెచ్చరించారు.
‘ఆర్ఎక్స్ 100’ సినిమాతో టాలీవుడ్‌కు పరిచయమైన పాయల్ రాజ్‌పుత్, తన బోల్డ్ నటనతో ప్రత్యేక గుర్తింపు తెచ్చుకున్నారు. అయితే, తాజాగా ఓ ఈవెంట్‌కు ఆమె హాజరైన సమయంలో డ్రెస్సింగ్ విధానంపై సోషల్ మీడియాలో కొందరు నెగెటివ్ ప్రచారం చేయడంతో ఆమె ఈ మేరకు తనదైన శైలిలో దీటుగా బదులిచ్చారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
