హైదరాబాద్, సూర్య న్యూస్ : నగరంలోని కేబీఆర్ పార్క్ (KBR Park) చుట్టూ తీవ్రమవుతున్న ట్రాఫిక్ సమస్యల పరిష్కారానికి చేపట్టిన రహదారి విస్తరణ కోసం ప్రముఖ సినీ నటుడు, ఎమ్మెల్యే నందమూరి బాలకృష్ణ (Nandamuri Balakrishna) తన వంతు సహకారం అందించారు. రోడ్డు విస్తరణ నిమిత్తం తన సొంత స్థలాన్ని ఇచ్చేందుకు ఆయన అంగీకరించారు.
కేబీఆర్ పార్క్ పరిసర ప్రాంతాల్లో రోడ్డు విస్తరణలో భాగంగా బాలకృష్ణకు చెందిన 862.77 చదరపు గజాల స్థలాన్ని తీసుకునేందుకు అధికారులు ప్రతిపాదించగా, ఆయన సానుకూలంగా స్పందించి స్థలాన్ని అప్పగించేందుకు గ్రీన్ సిగ్నల్ ఇచ్చారు. ఆయనతో పాటు శబ్దాలయ స్టూడియో, భవ్య కన్‌స్ట్రక్షన్స్ సంస్థలు కూడా టీడీఆర్ ద్వారా తమ స్థలాలను ప్రభుత్వానికి ఇచ్చేందుకు ముందుకు వచ్చాయి.
ఇదిలా ఉండగా, ట్రాఫిక్ రద్దీని శాశ్వతంగా తగ్గించే లక్ష్యంతో ఈ మార్గంలో భారీ ప్రాజెక్టును ప్రభుత్వం చేపట్టింది. సుమారు రూ. 1,090 కోట్ల భారీ వ్యయంతో 4.3 కిలోమీటర్ల మేర ఎలివేటెడ్ కారిడార్ నిర్మాణ పనులు ప్రస్తుతం శరవేగంగా కొనసాగుతున్నాయి. ప్రముఖులు సైతం రోడ్డు విస్తరణకు స్వచ్ఛందంగా స్థలాలు ఇస్తుండటంతో ఈ పనులకు మరింత వేగం పెరగనుంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
