అమరావతి, సూర్య న్యూస్: ఆంధ్రప్రదేశ్ రాష్ట్రంలో రాజకీయ నాయకులపై అనుచిత వ్యాఖ్యలు చేసిన కేసులో అరెస్టయిన యూట్యూబర్ బచ్చలకూరి జోసెఫ్ అలియాస్ ప్రశ్న రావణ్ (Prashna Ravan) వ్యవహారంలో సంచలన నిజాలు వెలుగులోకి వస్తున్నాయి. రాష్ట్ర ముఖ్యమంత్రి (CM Chandrababu Naidu), డిప్యూటీ సీఎం (Deputy CM Pawan Kalyan) పై సోషల్ మీడియాలో అసభ్యకరమైన పోస్టులు పెట్టిన వ్యవహారంలో పోలీసులు అతడిని అరెస్ట్ చేసిన విషయం తెలిసిందే. తాజాగా అతడి మొబైల్ ఫోన్‌ను ల్యాబ్‌కు పంపగా విస్తుపోయే వాస్తవాలు బయటపడ్డాయి.
నిందితుడి మొబైల్ ఫోన్‌కు సంబంధించిన ఫోరెన్సిక్ సైన్స్ ల్యాబ్ (FSL Report) నివేదిక పోలీసుల చేతికి అందింది. ఈ రిపోర్ట్ ద్వారా రావణ్ తన మొబైల్ ఫోన్ ఉపయోగించి అమాయక యువతులను తీవ్రంగా వేధించినట్లు బలమైన ఆధారాలు (Digital Evidences) లభ్యమయ్యాయి. ఫోరెన్సిక్ అధికారులు రికవరీ చేసిన డేటా ప్రకారం నిందితుడు అశ్లీల వీడియోలను (Obscene Videos) అడ్డుపెట్టుకుని పలువురు మహిళలను లైంగికంగా మరియు మానసికంగా వేధింపులకు గురి చేసినట్లు పోలీసులు గుర్తించారు.
ప్రశ్న రావణ్ బాధితులు (Prashna Ravan Victims)
ప్రశ్న రావణ్ ఫోన్ నుంచి సేకరించిన డిజిటల్ డేటా ఆధారంగా పోలీసులు దర్యాప్తు ముమ్మరం చేశారు. ఇప్పటివరకు సుమారు 10 మంది బాధితులను (Victims) విచారణ అధికారులు గుర్తించారు. నిందితుడు వారిని బ్లాక్‌ మెయిలింగ్ చేసి ఇంకా ఎంతమందిని ఇలాగే వేధించాడు అనే కోణంలో పోలీసులు లోతైన విచారణ జరుపుతున్నారు. ఈ కేసులో బాధితుల వివరాలను పూర్తిగా గోప్యంగా ఉంచి వారి నుంచి స్టేట్‌మెంట్ రికార్డు చేసేందుకు పోలీసులు (Police Investigation) సిద్ధమవుతున్నారు. ఈ పరిణామాలతో సోషల్ మీడియాలో ప్రశ్న రావణ్ చేసిన అకృత్యాలపై సర్వత్రా తీవ్ర విమర్శలు వ్యక్తమవుతున్నాయి.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
