Shilparamam Kuchipudi Dance : వర్షం అడ్డంకిగా మారినా ఆగని నాట్యం.. శిల్పారామంలో స్ఫూర్తిదాయకంగా ‘గురు వందనం – 2026’

హైదరాబాద్, సూర్య న్యూస్ : మాదాపూర్ శిల్పారామంలోని (Shilparamam) యాంఫీ థియేటర్ వేదికగా కందుల కూచిపూడి నాట్యాలయం ఆధ్వర్యంలో శనివారం రాత్రి ‘గురు వందనం – 2026’ (Guru Vandanam 2026) కూచిపూడి నృత్యోత్సవం అంగరంగ వైభవంగా ప్రారంభమైంది. గురు పూర్ణిమ మరియు వార్షికోత్సవాన్ని పురస్కరించుకుని గురు రవి కూచిపూడి (Guru Ravi Kuchipudi) ఆధ్వర్యంలో చిన్నారులు అద్భుతమైన నృత్య ప్రదర్శనలతో ఆహుతులను అలరించారు. అయితే, ఓపెన్ ఆడిటోరియంలో అత్యంత ఉత్సాహంగా సాగుతున్న ఈ అద్భుత ఘట్టానికి అకస్మాత్తుగా కురిసిన భారీ వర్షం (Heavy Rain) ఊహించని రీతిలో అంతరాయం కలిగించింది.

ఏడాది కష్టం.. వానను జయించిన సంకల్పం

మరిన్ని బ్రేకింగ్ వార్తల కోసం

Surya News WhatsApp Channel లో జాయిన్ అవ్వండి

Join

కూచిపూడి నాట్యం (Kuchipudi Dance) నేర్చుకునే విద్యార్థులు, వారికి ఎంతో ఓపికగా శిక్షణ ఇచ్చిన గురువులు, నిరంతరం అండగా నిలిచిన తల్లిదండ్రుల ఏడాది కష్టానికి ఈ వేదిక ఒక సాక్ష్యం. సరిగ్గా ప్రదర్శన సమయంలో వర్షం రావడం కాస్త నిరాశపరిచినప్పటికీ.. తల్లిదండ్రులు, నిర్వాహకులు ఏమాత్రం వెనక్కి తగ్గలేదు. కొద్దిగా అసౌకర్యానికి గురైనా ఎవరూ ఇబ్బందిగా భావించలేదు. తమ పిల్లల ప్రదర్శనను చూడాలనే తపనతో తల్లిదండ్రులు వర్షంలో తడుస్తూనే చెట్ల కింద అత్యంత ఓపికగా వేచి చూశారు. పేరెంట్స్ చూపించిన ఈ అనూహ్యమైన సపోర్ట్ అందరినీ కదిలించింది.

సవాలుగా స్వీకరించిన నిర్వాహకులు..

పరిస్థితిని వెంటనే గ్రహించిన నిర్వాహకులు దీన్ని ఒక సవాలుగా స్వీకరించారు. విద్యార్థుల ఉత్సాహం నీరుగారిపోకుండా వెంటనే కార్యక్రమాన్ని శిల్పారామంలోని పక్కనే ఉన్న ఇండోర్ (Indoor) ప్రాంతానికి తరలించి ప్రదర్శనలను కొనసాగించారు. ఒక అరగంట తర్వాత వాన కాస్త తగ్గుముఖం పట్టడంతో, ఏమాత్రం నిరుత్సాహపడకుండా తిరిగి ఓపెన్ ఆడిటోరియంలోనే (Open Auditorium) మిగిలిన ప్రదర్శనలను యధావిధిగా అత్యంత వైభవంగా నిర్వహించడం విశేషం. ప్రకృతి సృష్టించిన ఈ ఆటంకాన్ని దాటుకుని పిల్లల ఏడాది కష్టాన్ని వృథా కాకుండా నిర్వాహకులు మరియు పేరెంట్స్ చేసిన కృషి ఈ కార్యక్రమాన్ని మరింత స్ఫూర్తిదాయకంగా మార్చింది.

​ఈ ఉత్సాహభరితమైన కార్యక్రమానికి గౌరవ అతిథిగా డాక్టర్ సంగనభట్ల నరసయ్య, నాట్యాచార్య డాక్టర్ వేదాంతం సత్య నరసింహ శాస్త్రి, ప్రముఖ నాట్య గురువులు కోక విజయలక్ష్మి, పెరిణి రవితేజ, ఎం. సురేంద్రనాథ్, వైదేహి సుభాష్ మరియు సినీ నటులు శశికాంత్ తదితరులు విచ్చేసి విద్యార్థులను ఆశీర్వదించారు.