హైదరాబాద్, సూర్య న్యూస్ :తెలంగాణలోని అన్నదాతలకు ఉగాది పండుగ సందర్భంగా ముఖ్యమంత్రి రేవంత్ రెడ్డి భారీ ఊరటనిచ్చే ప్రకటనలు చేశారు. రాష్ట్రంలో దశాబ్దాలుగా పెండింగ్‌లో ఉన్న సాదా బైనామా భూ సమస్యలకు శాశ్వత పరిష్కారం చూపుతామని ముఖ్యమంత్రి హామీ ఇచ్చారు. గత ప్రభుత్వ హయాంలో ధరణి పోర్టల్ ద్వారా రైతులు ఎదుర్కొన్న సాంకేతిక మరియు చట్టపరమైన ఇబ్బందులను తొలగించేందుకు ప్రభుత్వం సిద్ధమైంది. భూ భారతి కార్యక్రమం ద్వారా భూ రికార్డులన్నింటినీ సమగ్రంగా ప్రక్షాళన చేసి, సాదా బైనామా భూములపై రైతులకు పూర్తిస్థాయి యాజమాన్య హక్కులు కల్పించడమే లక్ష్యంగా ప్రభుత్వం అడుగులు వేస్తోంది. దీనివల్ల లక్షలాది మంది రైతులకు తమ భూములపై ధీమా కలగనుంది.
మరోవైపు రైతులు ఎంతో ఆసక్తిగా ఎదురుచూస్తున్న రైతు భరోసా నిధుల విడుదలకు ముహూర్తం ఖరారైంది. ఈ నెల 22వ తేదీన రైతు భరోసా నిధులను ప్రభుత్వం విడుదల చేయనుంది. మొదటి విడతలో భాగంగా ఎకరా లోపు భూమి ఉన్న సుమారు 70 లక్షల మంది రైతుల ఖాతాల్లో రూ, 3,590 కోట్లు నేరుగా జమ కానున్నాయి. రైతు భరోసా పథకం కింద ప్రతి ఎకరాకు ఏడాదికి రెండు విడతల్లో కలిపి రూ, 12,000 చొప్పున ప్రభుత్వం ఆర్థిక సాయం అందిస్తోంది. ఇప్పటికే ఈ పథకం కింద ప్రభుత్వం రూ, 18,000 కోట్లు వెచ్చించిందని ముఖ్యమంత్రి వెల్లడించారు. సాదా బైనామా పరిష్కారం మరియు పెట్టుబడి సాయం ఒకేసారి అందుతుండటంతో ఉమ్మడి రాష్ట్రవ్యాప్తంగా హర్షాతిరేకాలు వ్యక్తమవుతున్నాయి.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
