హైదరాబాద్, సూర్య న్యూస్ : ఐపీఎల్ 2026 (IPL 2026) వేలంలో రికార్డు సృష్టించిన యువ క్రికెటర్ వైభవ్ సూర్యవంశీ (Vaibhav Sooryavanshi) అందరికీ సుపరిచితమే. ఇప్పుడు అతని తమ్ముడు కూడా అన్న బాటలోనే నడుస్తూ క్రికెట్ ప్రపంచంలో (Cricket World) హాట్ టాపిక్ గా మారాడు. పదేళ్ల వయసులోనే ఆశీర్వాద్ సూర్యవంశీ (Aashirwad Sooryavanshi) అద్భుతమైన సెంచరీ (Century) సాధించి అందరి దృష్టిని ఆకర్షించాడు. బీహార్ లోని (Bihar) సమస్తిపూర్ లో జరిగిన ఒక స్థానిక క్రికెట్ మ్యాచ్ లో అతడు ఈ అరుదైన ఘనత సాధించాడు.
క్రికెట్ అకాడమీ తాజ్పూర్ (Cricket Academy Tajpur) తరఫున బరిలోకి దిగిన ఆశీర్వాద్ ప్రత్యర్థి బౌలర్లపై పూర్తి ఆధిపత్యం ప్రదర్శించాడు. కేవలం 87 బంతులు ఎదుర్కొన్న అతడు 118కి పైగా స్ట్రైక్ రేట్ తో (Strike Rate) 103 పరుగులు సాధించాడు. అతని అద్భుత ఇన్నింగ్స్ లో 20 ఫోర్లు, ఒక సిక్స్ ఉన్నాయి. అతడితో పాటు మరో బ్యాటర్ శివమ్ రాజ్ (Shivam Raj) కూడా అర్ధశతకం సాధించాడు. సెంచరీ సాధించిన తర్వాత ఆశీర్వాద్ తన హెల్మెట్ తీసి సంబరాలు చేసుకున్నాడు.
ప్రస్తుతం ఆశీర్వాద్ బ్యాటింగ్ కు సంబంధించిన ఫోటోలు, వీడియోలు సోషల్ మీడియాలో (Social Media) వైరల్ అవుతున్నాయి. చిన్న వయసులోనే అతను ఒత్తిడిని తట్టుకుని ఆడిన విధానం క్రికెట్ విశ్లేషకులను సైతం ఆశ్చర్యపరుస్తోంది. మరోవైపు అన్న వైభవ్ సూర్యవంశీ ప్రస్తుతం శ్రీలంకలో (Sri Lanka) ఉన్నాడు. అతడు భారత్-ఏ (India-A) తరఫున ముక్కోణపు సిరీస్ లో ఆడుతున్నాడు. తన తమ్ముడు సెంచరీ చేయడంతో వైభవ్ ఆనందానికి అవధులు లేకుండా పోయాయి. ఈ విషయాన్ని తెలియజేస్తూ తన ఇన్స్టాగ్రామ్ (Instagram) స్టోరీస్ లో తమ్ముడి ఫోటోలను పంచుకుని అభినందనలు తెలిపాడు.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
