సంతకం చేసిన ఆత్మకథ పుస్తకం అందుకున్నారు.. కుమార్తె వివాహ ఆహ్వానం సమర్పించారు
న్యూఢిల్లీ, సూర్య న్యూస్ :
ప్రముఖ నాయకురాలు స్వయంగా సంతకం చేసిన ఆత్మకథ పుస్తకాన్ని అందుకోవడాన్ని గొప్ప గౌరవంగా భావిస్తున్నట్లు ఒక రాష్ట్ర పార్టీ అధ్యక్షురాలు ఆనందం వ్యక్తం చేశారు.
ఆటోగ్రాఫ్ చేసిన ఆత్మకథ అందుకున్నారు
ఏఐసీసీ మాజీ అధ్యక్షురాలు సోనియా గాంధీ (Sonia Gandhi) ఆటోగ్రాఫ్ చేసిన ఆమె ఆత్మకథ ‘బిలాంగింగ్.. ఏ జర్నీ ఆఫ్ లవ్’ (Belonging A Journey Of Love) పుస్తకాన్ని స్వయంగా అందుకోవడాన్ని గొప్ప గౌరవంగా భావిస్తున్నానని ఏపీ కాంగ్రెస్ అధ్యక్షురాలు వైఎస్ షర్మిల (YS Sharmila) ఆనందం వ్యక్తం చేశారు. సోనియా గాంధీని ఢిల్లీలో మర్యాదపూర్వకంగా కలిసిన షర్మిల, తన కుమార్తె వివాహ ఆహ్వాన పత్రికను అందజేశారు.
టూ షర్మిల అండ్ అనిల్ విత్ లవ్
ఈ సందర్భంగా సోనియా గాంధీ తన ఆత్మకథ పుస్తకంపై ‘టూ షర్మిల అండ్ అనిల్ విత్ లవ్’ అని రాసి, స్వయంగా సంతకం చేసి షర్మిల దంపతులకు బహూకరించారు. తరతరాలను ప్రేరేపించిన గొప్ప నాయకురాలి నుంచి ఇలాంటి ఆత్మీయ స్పర్శను పొందడం అదృష్టంగా భావిస్తున్నానని షర్మిల తన ఎక్స్ (ట్విట్టర్) ఖాతాలో పేర్కొన్నారు. సోనియా గాంధీ వ్యక్తిగత ఆలోచనలు, ఆమె జీవిత అనుభవాలను చదవడానికి ఎంతో ఆసక్తిగా ఎదురుచూస్తున్నానని వైఎస్ షర్మిల తెలిపారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
