సూర్య న్యూస్ డెస్క్ : ఏషియన్ గేమ్స్-2026 (Asian Games 2026) మహిళల క్రికెట్ ఫైనల్లో భారత జట్టు (Indian Women’s Cricket) అదరగొట్టింది. శ్రీలంకతో జరుగుతున్న టైటిల్ పోరులో తొలుత బ్యాటింగ్ చేసిన భారత్.. నిర్ణీత 20 ఓవర్లలో మూడు వికెట్ల నష్టానికి 216 పరుగుల భారీ స్కోరు సాధించింది. ఓపెనర్లు అద్భుత శుభారంభం అందించగా, ఆఖర్లో రిచా ఘోష్ మెరుపులు మెరిపించారు.
స్మృతి, షఫాలీ దూకుడు
మ్యాచ్ ఆరంభం నుంచే భారత బ్యాటర్లు శ్రీలంక బౌలర్లపై విరుచుకుపడ్డారు. ఓపెనర్లు షఫాలీ వర్మ 48 పరుగులు చేయగా, స్మృతి మంధాన 79 పరుగులతో చెలరేగారు. వీరిద్దరూ కలిసి తొలి 10 ఓవర్లలోనే జట్టు స్కోరును 99 పరుగులకు చేర్చి బలమైన పునాది వేశారు. ముఖ్యంగా స్మృతి మంధాన తన ఇన్నింగ్స్లో 7 భారీ సిక్సర్లు, 5 ఫోర్లు బాది ప్రత్యర్థి బౌలర్లకు చుక్కలు చూపించారు.
ఆఖర్లో రిచా ఘోష్ విధ్వంసం
ఓపెనర్లు అవుటైన తర్వాత క్రీజులోకి వచ్చిన రిచా ఘోష్ డెత్ ఓవర్లలో విధ్వంసం సృష్టించారు. కేవలం 22 బంతులు మాత్రమే ఎదుర్కొన్న ఆమె అజేయంగా 49 పరుగులు సాధించి జట్టుకు భారీ స్కోరును అందించారు. దీంతో ఏషియన్ గేమ్స్ ఫైనల్లో విజయం సాధించాలంటే శ్రీలంక ముందు భారీ లక్ష్యం నమోదైంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
