చెన్నై, సూర్య న్యూస్ : తమిళనాడులో ఇప్పుడు ‘ఎప్స్టీన్ ఆఫ్ టీఎన్’ (Epstein of TN) వ్యవహారం సంచలనంగా మారింది. 84 ఏళ్ల వయసున్న ప్రముఖ గ్రానైట్ వ్యాపారి (Granite Tycoon) వీరమణిని పోలీసులు మరోసారి అరెస్ట్ చేయడంతో ఈ కేసు రాష్ట్రవ్యాప్తంగా తీవ్ర కలకలం రేపుతోంది. అసలు ఎవరీ వీరమణి, ఆయనపై ఉన్న ఆరోపణలు ఏంటి, ఇప్పుడు ఎందుకు అరెస్ట్ అయ్యాడనేది సర్వత్రా ఆసక్తికరంగా మారింది.
వైరల్ వీడియోతో వెలుగులోకి..
గతేడాది ఒక మైనర్ బాలికపై లైంగిక దాడికి పాల్పడినట్లుగా ఉన్న ఓ వీడియో సోషల్ మీడియాలో విపరీతంగా వైరల్ అయింది. దీనిపై అప్పట్లో దర్యాప్తు చేపట్టిన పోలీసులు.. ఆ వీడియోలో ఉన్న వృద్ధుడు స్థానిక గ్రానైట్ దిగ్గజం వీరమణిగా నిర్ధారించి వెంటనే ఆయనను అరెస్ట్ చేశారు. అయితే, అప్పటి ప్రభుత్వ పెద్దల చొరవతోనే ఆయనను కేసు నుంచి సులువుగా విడుదల చేశారనే ఆరోపణలు బలంగా వినిపించాయి.
మళ్లీ తెరపైకి పాత కేసు
ఈ కేసు దాదాపు మరుగున పడిపోయిందనుకున్న సమయంలో, తాజాగా ఓ సామాజిక కార్యకర్త ఆ పాత వీడియో వ్యవహారంపై పోలీసులకు మళ్లీ ఫిర్యాదు చేశారు. దీంతో పోక్సో చట్టం కింద కేసు నమోదు చేసిన పోలీసులు, వీరమణిని మరోసారి అదుపులోకి తీసుకుని దర్యాప్తు ముమ్మరం చేశారు. మైనర్పై అకృత్యాలకు పాల్పడిన వ్యవహారం మళ్లీ వెలుగులోకి రావడంతో స్థానికంగా ఇది తీవ్ర చర్చనీయాంశమైంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
