వచ్చే విద్యా సంవత్సరం నుంచి 10+2 విద్యా విధానం.. ప్రభుత్వ పాఠశాలలకు మౌలిక సదుపాయాలు
హైదరాబాద్, సూర్య న్యూస్ :
వచ్చే విద్యా సంవత్సరం నుంచి రాష్ట్ర విద్యా విధానంలో భారీ మార్పులకు శ్రీకారం చుడుతూ విద్యాశాఖ అధికారులకు పలు కీలక ఆదేశాలు జారీ అయ్యాయి. ఆధునిక అవసరాలకు అనుగుణంగా విద్యా వ్యవస్థలో సంస్కరణలు తీసుకురావాలని నిర్ణయించినట్లు స్పష్టం అయింది.
10+2 విద్యా విధానం అమలు
తెలంగాణ రాష్ట్ర విద్యా విధానంలో భారీ మార్పులకు శ్రీకారం చుడుతూ ముఖ్యమంత్రి రేవంత్ రెడ్డి (CM Revanth Reddy) విద్యాశాఖ అధికారులకు పలు కీలక ఆదేశాలు జారీ చేశారు. ఆధునిక అవసరాలకు అనుగుణంగా విద్యా వ్యవస్థలో సంస్కరణలు తీసుకురావాలని నిర్ణయించినట్లు ఆయన స్పష్టం చేశారు.
వచ్చే విద్యా సంవత్సరం నుంచి రాష్ట్రవ్యాప్తంగా 10+2 విద్యా విధానాన్ని అమలు చేసేందుకు అవసరమైన అన్ని చర్యలు తీసుకోవాలని అధికారులను ఆదేశించారు. విద్యార్థులకు నాణ్యమైన విద్య అందించడమే ప్రభుత్వ తొలి ప్రాధాన్యత అని, ఏ ఒక్క విద్యార్థికి నష్టం జరగకుండా ప్రైవేట్ విద్యాసంస్థలకు దీటుగా ప్రభుత్వ పాఠశాలలను తీర్చిదిద్దడమే లక్ష్యంగా పనిచేయాలని సూచించారు. ఇందుకోసం అవసరమైన అన్ని మౌలిక సదుపాయాలను కల్పించేందుకు సత్వరమే చర్యలు చేపట్టాలన్నారు.
నైపుణ్యాభివృద్ధికి పెద్దపీట
ప్రభుత్వం నర్సరీ నుంచి 12వ తరగతి వరకు విద్యకు అత్యంత ప్రాధాన్యత ఇస్తోందని, 12వ తరగతి తర్వాత విద్యార్థుల్లో నైపుణ్యాభివృద్ధి (Skill Development) పెంచడంపై ప్రత్యేక దృష్టి సారించినట్లు సీఎం వెల్లడించారు. 9 నుంచి 12వ తరగతి వరకు ఉన్నత విద్యగా పరిగణించి, విద్యార్థులకు ప్రత్యేక విద్యను (Specialised Education) అందించాలని అధికారులకు సూచించారు. తెలంగాణ విద్యా వ్యవస్థలో ఈ గుణాత్మక మార్పులు తప్పనిసరి అని, ఇందుకు విద్యాశాఖ యంత్రాంగం సన్నద్ధం కావాలని ముఖ్యమంత్రి స్పష్టం చేశారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
