హైదరాబాద్, సూర్య న్యూస్ : ఐకాన్ స్టార్ అల్లు అర్జున్ (Allu Arjun), స్టార్ డైరెక్టర్ అట్లీ (Atlee) కాంబినేషన్లో తెరకెక్కుతున్న భారీ చిత్రం ‘రాకా’ (Raka Movie)కు సంబంధించిన ’37’ మిస్టరీ ఎట్టకేలకు వీడింది. గత కొన్ని రోజులుగా సోషల్ మీడియాలో అభిమానులను ఊరిస్తున్న ఈ నంబర్ వెనుక ఉన్న అసలు రహస్యం ప్రపంచ రికార్డ్ (Guinness World Record) అని తేలడంతో ప్రేక్షకులు ఆశ్చర్యపోతున్నారు.
గత కొద్ది రోజులుగా ఈ సినిమా మేకర్స్ సోషల్ మీడియాలో ’37’ అనే నంబర్ను పదే పదే పోస్ట్ చేస్తూ క్యూరియాసిటీ పెంచారు. అసలు ఈ పజిల్ ఏంటి? ఆ నంబర్ వెనుక ఉన్న రహస్యం ఏంటని నెటిజన్లు, అభిమానులు రకరకాలుగా ఊహించుకున్నారు. అయితే, తాజాగా ఆ సస్పెన్స్కు తెరదించుతూ చిత్ర యూనిట్ అదిరిపోయే అప్డేట్ ఇచ్చింది. సినిమా షూటింగ్ సమయంలో ఒకేసారి ఏకంగా 37 మంది నటులపై ‘రియల్ టైమ్ మోషన్-క్యాప్చర్’ టెక్నాలజీని ఉపయోగించినందుకు గాను ప్రతిష్టాత్మక గిన్నిస్ వరల్డ్ రికార్డు దక్కినట్లు ప్రకటించింది.
సాంకేతికతను ఇంత భారీ స్థాయిలో ఉపయోగించి ఒకేసారి 37 మందితో ఈ ఫీట్ సాధించినందుకు భారతీయ సినిమా స్థాయి ప్రపంచ వేదికపై సగర్వంగా నిలబడింది. ఈ అరుదైన గుర్తింపు పత్రాన్ని గిన్నిస్ ప్రతినిధుల నుంచి హీరో అల్లు అర్జున్, దర్శకుడు అట్లీ స్వయంగా అందుకున్నారు. ఇందుకు సంబంధించిన ఫోటోను మేకర్స్ సోషల్ మీడియాలో అభిమానులతో పంచుకున్నారు. ఇన్ని రోజుల మిస్టరీ ఒక అరుదైన గిన్నిస్ రికార్డ్ అని తెలియడం, అందులోనూ సినిమా రిలీజ్కు ముందే ఈ ఘనత సాధించడంతో అల్లు అర్జున్ ఫ్యాన్స్ సంబరాలు చేసుకుంటున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
