హైదరాబాద్, సూర్య న్యూస్ : హైదరాబాద్ మహానగరంలో అత్యవసర సమయాల్లో ప్రజలకు సత్వర సేవలు అందించేందుకు హైడ్రా (HYDRA) కీలక నిర్ణయం తీసుకుంది. విపత్తులు, ఇతర అత్యవసర పరిస్థితుల్లో ప్రజలు నేరుగా అధికారులను సంప్రదించేందుకు వీలుగా 1070 టోల్ ఫ్రీ నెంబర్‌ను (Toll Free Number) అధికారికంగా అందుబాటులోకి తెచ్చింది.
నగరంలో భారీ వర్షాల కారణంగా వచ్చే వరదలు, రోడ్లపై నీరు నిలిచిపోయి రాకపోకలకు అంతరాయం కలగడం, అగ్నిప్రమాదాలు జరగడం, భారీ వృక్షాలు నేలకూలడం వంటి విపత్కర పరిస్థితులు ఎదురైనప్పుడు నగరవాసులు తక్షణమే 1070 నెంబర్‌కు కాల్ చేసి సమాచారం అందించవచ్చు. కంట్రోల్ రూమ్‌కు ఫిర్యాదు అందిన వెంటనే ప్రత్యేకంగా ఏర్పాటు చేసిన హైడ్రా సిబ్బంది ఘటనా స్థలానికి చేరుకుని సమస్యను పరిష్కరిస్తారని అధికారులు వెల్లడించారు.
ప్రజల సౌకర్యార్థం ఈ టోల్ ఫ్రీ నెంబర్ 24 గంటల పాటు నిరంతరాయంగా పనిచేస్తుందని హైడ్రా కమిషనర్ ఏవీ రంగనాథ్ స్పష్టం చేశారు. విపత్తుల సమయంలో ప్రాణ, ఆస్తి నష్టాలను నివారించేందుకు ఎవరైనా ఆపదలో ఉంటే వెంటనే ఈ నెంబర్‌ను వినియోగించుకోవాలని ఆయన సూచించారు. తాజా నిర్ణయంతో నగర ప్రజలకు ట్రాఫిక్, వరద కష్టాల నుంచి తక్షణ ఉపశమనం లభించనుంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
