న్యూఢిల్లీ, సూర్య న్యూస్ : కేంద్ర ప్రభుత్వం (Central Government) అత్యంత ప్రతిష్టాత్మకంగా లోక్సభలో ప్రవేశపెట్టిన 131వ రాజ్యాంగ సవరణ బిల్లు (131st Constitutional Amendment Bill) అనూహ్యంగా వీగిపోయింది. సభలో తగినంత మెజారిటీ రాకపోవడంతో మహిళా రిజర్వేషన్ల చట్టం సవరణ బిల్లుకు (Women’s Reservation Bill) బ్రేక్ పడింది.
ఈ రాజ్యాంగ సవరణ బిల్లుకు సంబంధించి సభలో మొత్తం 528 ఓట్లు పోలయ్యాయి. ఇందులో బిల్లుకు అనుకూలంగా 298 ఓట్లు రాగా, వ్యతిరేకంగా 230 ఓట్లు వచ్చాయి. ఏదేని రాజ్యాంగ సవరణ ఆమోదం పొందాలంటే సభలో మూడింట రెండొంతుల మెజారిటీ (Two-thirds Majority) దక్కించుకోవాలి. అనగా కనీసం 352 ఓట్లు వస్తేనే బిల్లు చట్టసభలో నిలబడుతుంది. కానీ తగినంత మద్దతు లేకపోవడంతో బిల్లు వీగిపోయినట్లు స్పీకర్ (Speaker) అధికారికంగా ప్రకటించారు.
ఈ ఊహించని పరిణామంతో డీలిమిటేషన్ మరియు కేంద్ర పాలిత ప్రాంతాల సవరణ బిల్లును (Delimitation and UT Amendment Bill) కూడా కేంద్ర ప్రభుత్వం వెంటనే ఉపసంహరించుకుంది.
వాస్తవానికి 2026 జనాభా లెక్కలతో సంబంధం లేకుండా తక్షణమే డీలిమిటేషన్ (Delimitation) చేపట్టి, చట్టసభల్లో మహిళలకు 33 శాతం రిజర్వేషన్లు (33% Reservations) కల్పించాలన్న ఉద్దేశ్యంతో కేంద్రం ఈ సవరణ బిల్లును సభ ముందుకు తీసుకువచ్చింది. ప్రతిపక్షాల అభ్యంతరాల నడుమ ఈ చారిత్రాత్మక బిల్లు వీగిపోవడం దేశ రాజకీయాల్లో (Indian Politics) తీవ్ర చర్చనీయాంశంగా మారింది.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
