యూఎన్ వరల్డ్ మ్యాప్‌లో భారత భూభాగాల వివాదం.. తీవ్రంగా ఖండించిన కేంద్రం

న్యూఢిల్లీ, సూర్య న్యూస్. ఐక్యరాజ్యసమితి (యూఎన్) ఇటీవల విడుదల చేసిన ప్రపంచ పటంలో అరుణాచల్ ప్రదేశ్, అక్సాయ్ చిన్ ప్రాంతాలను ప్రత్యేక భూభాగాలుగా చూపించడంపై భారత్ తీవ్ర అభ్యంతరం వ్యక్తం చేసింది. దేశ ప్రాదేశిక సమగ్రతను దెబ్బతీసేలా ఉన్న ఈ చర్యను కేంద్ర ప్రభుత్వం గట్టిగా ఖండించింది.

పరిమాణం ఆధారంగా రూపొందించే ఈక్వల్ ఏరియా మ్యాప్స్ తీర్మానానికి మాత్రమే తాము ఓటు వేశామని, అంతమాత్రాన ఏ మ్యాప్‌నూ అధికారికంగా ఆమోదించినట్లు కాదని విదేశాంగ శాఖ అధికార ప్రతినిధి రణధీర్ జైస్వాల్ స్పష్టం చేశారు. అరుణాచల్ ప్రదేశ్, అక్సాయ్ చిన్‌లతో పాటు జమ్మూ కశ్మీర్, లద్దాఖ్ ఎప్పటికీ భారతదేశంలో అంతర్భాగమేనని ఆయన తేల్చిచెప్పారు.