|  
● FLASH NEWS
Congress: సంక్షేమ పథకాల పేరుతో ప్రజలను మోసం చేస్తున్నారు.. కేపీ వివేకానంద్ ఫైర్  •  Trump: ఇరాన్‌పై దాడులకు తొందరపడొద్దన్న ట్రంప్  •  BRS: సిద్దిపేట సభ అట్టర్ ఫ్లాప్.. రేవంత్‌పై గట్టు రాంచందర్ రావు ఫైర్  •  Chukka: చుక్కా రామయ్య సలహాలతో ముందుకెళ్తాం.. సీఎం రేవంత్ వెల్లడి  •  JEE: సెషన్-1 దరఖాస్తు గడువు ముగింపు.. అభ్యర్థులకు అలర్ట్  •  Arrest: మాజీ ఎమ్మెల్యే రేఖానాయక్ అరెస్ట్‌కు రంగం సిద్ధం.. ఖానాపూర్‌లో ఉద్రిక్తత  • 
Skip to content

Vijayawada Missing Case : సీఎం చంద్రబాబు సంచలన నిర్ణయం.. కన్నీరుమున్నీరైన సాయి కృష్ణ తల్లి.. సీఐపై మర్డర్ కేసు నమోదు.. అసలేం జరిగిందంటే?

అమరావతి, సూర్య న్యూస్ :విజయవాడ (Vijayawada) కృష్ణలంకకు చెందిన గాదె సాయి కృష్ణ మిస్సింగ్ కేసు రాష్ట్రవ్యాప్తంగా సంచలనం రేపుతోంది. సాయి కృష్ణ తల్లి విజయలక్ష్మి గురువారం ముఖ్యమంత్రి (CM Chandrababu Naidu) ని అమరావతిలోని క్యాంపు కార్యాలయంలో కలిశారు. తన కుమారుడికి జరిగిన అన్యాయాన్ని ముఖ్యమంత్రికి వివరిస్తూ ఆమె కన్నీరుమున్నీరయ్యారు. ఈ ఘటనపై సమగ్ర దర్యాప్తు జరిపించి దోషులను కఠినంగా శిక్షించాలని వేడుకున్నారు. ఆమెను ఓదార్చిన ముఖ్యమంత్రి, ఈ కేసులో నిష్పక్షపాతంగా విచారణ జరిపిస్తామని గట్టి హామీ ఇచ్చారు.

గత నెల రోజులుగా సాయి కృష్ణ అదృశ్యమయ్యాడు. పోలీసులు అతన్ని అక్రమంగా నిర్బంధించి చిత్రహింసలు పెట్టి చంపేశారని తల్లి విజయలక్ష్మి ఆరోపిస్తున్నారు. ఈ వ్యవహారంపై సీఎం చంద్రబాబు మరియు డిప్యూటీ సీఎం పవన్ కళ్యాణ్ (Pawan Kalyan) అత్యంత తీవ్రంగా స్పందించారు. సీఎం ఆదేశాలతో కృష్ణలంక సీఐ నాగరాజును తక్షణమే సస్పెండ్ చేశారు. బాధితురాలి ఫిర్యాదు మేరకు సస్పెండైన సీఐపై భారతీయ న్యాయ సంహిత (BNS) కింద హత్య మరియు సాక్ష్యాల ధ్వంసం కేసులు నమోదు చేశారు.

ఈ కేసును నిష్పక్షపాతంగా విచారించేందుకు తూర్పుగోదావరి జిల్లా ఎస్పీ (SP D Narasimha Kishore) ని ప్రత్యేక అధికారిగా నియమించారు. మరోవైపు ఈ కేసులో హైకోర్టు (High Court) కూడా తీవ్రంగా స్పందించింది. జూన్ 29 లోగా సాయి కృష్ణను కోర్టు ముందు ప్రవేశపెట్టాలని పోలీసులను ఆదేశించింది. కృష్ణలంక పోలీస్ స్టేషన్ (Police Station) లోని సీసీటీవీ ఫుటేజ్ మరియు హార్డ్ డిస్క్‌లను భద్రపరచాలని స్థానిక కోర్టు ఆదేశాలు జారీ చేసింది. ఈ లాకప్ డెత్ ఆరోపణల వ్యవహారం ఏపీ రాజకీయాల్లో (AP Politics) తీవ్ర దుమారం రేపుతోంది.

ఈ వార్తపై మీ స్పందన?

🔥 గత 24 గంటల్లో అత్యధికంగా చదివిన వార్తలు

ఇవి గత 24 గంటల్లో ఎక్కువ మంది చదివిన వార్తలు