ఢిల్లీ, సూర్య న్యూస్ : దేశవ్యాప్తంగా ఉన్న పోస్టల్ సర్కిళ్లలో (Postal Circles) ఖాళీగా ఉన్న గ్రామీణ డాక్ సేవక్ (Gramin Dak Sevak) పోస్టులకు దరఖాస్తు చేసుకునే గడువు సమీపించింది. మొత్తం 23,757 పోస్టుల భర్తీకి దరఖాస్తులు స్వీకరిస్తుండగా.. ఆన్లైన్లో అప్లై చేయడానికి రేపే చివరి తేదీ అని అధికారులు స్పష్టం చేశారు. టెన్త్ క్లాస్ అర్హతతో ప్రభుత్వ ఉద్యోగం సాధించాలనుకునే యువతకు ఇది ఒక మంచి అవకాశం.
ఎంపిక విధానం మరియు అర్హతలు
ఈ పోస్టుల ఎంపిక కోసం ఎలాంటి రాతపరీక్ష నిర్వహించరు. కేవలం టెన్త్ పరీక్షల్లో సాధించిన మార్కుల ఆధారంగానే అభ్యర్థులను ఎంపిక చేస్తారు. దరఖాస్తు చేసుకునే అభ్యర్థుల వయసు 18 నుంచి 40 ఏళ్ల మధ్య ఉండాలి. అలాగే, ప్రాథమిక కంప్యూటర్ పరిజ్ఞానం ఉండటంతో పాటు సైకిల్ తొక్కడం తప్పనిసరిగా వచ్చి ఉండాలని నిబంధనల్లో పేర్కొన్నారు.
ముఖ్యమైన నిబంధన
ఈ ఉద్యోగాలకు దరఖాస్తు చేసుకునే అభ్యర్థులు దేశంలోని ఏదైనా ఒక పోస్టల్ సర్కిల్కు మాత్రమే అప్లై చేసుకోవాల్సి ఉంటుందనే ముఖ్య నిబంధనను అధికారులు గుర్తుచేస్తున్నారు. ఆసక్తి, అర్హత ఉన్న అభ్యర్థులు ఏమాత్రం ఆలస్యం చేయకుండా అధికారిక వెబ్సైట్ ద్వారా తమ దరఖాస్తులను ఆన్లైన్లో తక్షణమే సమర్పించవచ్చు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
