కోల్కతా, సూర్య న్యూస్: పశ్చిమ బెంగాల్ (West Bengal) రాజకీయాల్లో సరికొత్త అధ్యాయం మొదలైంది. గత 15 ఏళ్లుగా సాగుతున్న తృణమూల్ కాంగ్రెస్ (TMC) పాలనకు చరమగీతం పాడుతూ, భారతీయ జనతా పార్టీ (BJP) చారిత్రాత్మక విజయం సాధించిన సంగతి తెలిసిందే. ఈ నేపథ్యంలో బెంగాల్ తొలి బీజేపీ ముఖ్యమంత్రిగా సువేందు అధికారి (Suvendu Adhikari) ఎంపికయ్యారు. శుక్రవారం కోల్కతాలో కేంద్ర హోంమంత్రి అమిత్ షా (Amit Shah) సమక్షంలో జరిగిన బీజేపీ శాసనసభాపక్ష సమావేశంలో సువేందును ఏకగ్రీవంగా ఎన్నుకున్నారు. శనివారం (మే 9) ఉదయం 10 గంటలకు కోల్కతాలోని ప్రతిష్టాత్మక బ్రిగేడ్ పరేడ్ గ్రౌండ్స్ (Brigade Parade Grounds) లో ఆయన ముఖ్యమంత్రిగా ప్రమాణ స్వీకారం చేయనున్నారు.
మమతా బెనర్జీ మొండికేసినా.. గవర్నర్ సంచలన నిర్ణయం!
📢 బ్రేకింగ్ న్యూస్ మిస్ అవ్వకండి!
తాజా వార్తలు వెంటనే పొందాలంటే Surya News అధికారిక WhatsApp Channel లో ఇప్పుడే Join అవ్వండి.
📲 Join WhatsApp Channelఎన్నికల్లో ఓటమి పాలైనప్పటికీ ముఖ్యమంత్రి పదవికి రాజీనామా చేసేందుకు మమతా బెనర్జీ (Mamata Banerjee) నిరాకరించడం తీవ్ర ఉత్కంఠకు దారితీసింది. ఈవీఎంల ట్యాంపరింగ్ జరిగిందని, తాము ఓడిపోలేదని ఆమె ఆరోపించారు. అయితే, ప్రభుత్వం గడువు ముగియడం మరియు ఆమె రాజీనామా చేయకపోవడంతో గవర్నర్ ఆర్.ఎన్. రవి (Governor RN Ravi) రాజ్యాంగంలోని ఆర్టికల్ 174 (2)(b) ప్రకారం అసెంబ్లీని రద్దు చేస్తూ ఉత్తర్వులు జారీ చేశారు. దీంతో ఆమె సీఎం పదవిని కోల్పోయారు.
జయింట్ కిల్లర్గా సువేందు రికార్డ్!
గతంలో నందిగ్రామ్ (Nandigram) లో మమతా బెనర్జీని ఓడించిన సువేందు అధికారి, ఈసారి ఆమె కంచుకోట భవానీపూర్ (Bhabanipur) లో 15 వేలకు పైగా ఓట్ల మెజారిటీతో మళ్ళీ ఓడించి ‘జయింట్ కిల్లర్’ (Giant Killer) గా పేరుగాంచారు. మొత్తం 294 స్థానాలకు గాను బీజేపీ 206 స్థానాల్లో అద్భుత విజయం సాధించి మ్యాజిక్ ఫిగర్ దాటేసింది. కేంద్రంలోనూ, రాష్ట్రంలోనూ ఒకే పార్టీ అధికారంలో ఉండటంతో బెంగాల్లో ఇక ‘డబుల్ ఇంజన్ సర్కార్’ (Double Engine Sarkar) పాలన సాగనుంది.
