జూన్ 12న పాఠశాలలు పునఃప్రారంభం కానున్న తరుణంలో విద్యార్థులకు స్టూడెంట్ కిట్స్ పంపిణీ మరియు డ్రగ్స్ వ్యతిరేక ప్రతిజ్ఞ కార్యక్రమాలను ప్రారంభించేందుకు సీఎం రేవంత్ రెడ్డి రాష్ట్ర గవర్నర్ ను ఆహ్వానించారు.
డాక్టర్ బి.ఆర్. అంబేద్కర్ ఓపెన్ యూనివర్సిటీ పాలక మండలికి నలుగురు ప్రముఖులను నియమిస్తూ ప్రభుత్వం జి.ఓ జారీ చేసింది.
తెలంగాణలో జరుగుతున్న పదోతరగతి పరీక్షల్లో విద్యాశాఖ నిబంధనలను మరింత కఠినతరం చేసింది. పరీక్షా కేంద్రాల్లో ‘జీరో మొబైల్ జోన్’ (Zero Mobile Zone) విధానాన్ని ప్రవేశపెట్టింది. మొబైల్ ఫోన్లు వాడితే 1997 పబ్లిక్ ఎగ్జామినేషన్స్ చట్టం కింద క్రిమినల్ కేసులు నమోదు చేయడమే కాకుండా, శాఖాపరమైన చర్యలు తీసుకుంటామని హెచ్చరించింది.
పీఎం శ్రీ కేంద్రీయ విద్యాలయం శివరాంపల్లిలో 2026-27 సంవత్సరానికి టీచర్ల నియామకానికి వాక్-ఇన్ ఇంటర్వ్యూలు నిర్వహించనున్నారు. మార్చి 24న ఉదయం 9 గంటలకు ఇంటర్వ్యూలు ప్రారంభమవుతాయి.
తెలంగాణ బడ్జెట్లో విద్యా రంగానికి 15% నిధులు కేటాయించాలని ఏబీవీపీ అల్టిమేటం జారీ చేసింది. సుమారు రూ. 9,000 కోట్ల ఫీజు రీయింబర్స్మెంట్ బకాయిలు పెండింగ్లో ఉన్నాయని, ప్రభుత్వం తక్షణమే స్పందించకపోతే అసెంబ్లీ ముట్టడికి వెనుకాడబోమని హెచ్చరించింది.