ఆదిత్య బిల్డర్స్ నిర్మాణాలపై మాజీ ఎమ్మెల్సీ కవిత చేస్తున్న విమర్శలను హైడ్రా ఖండించింది. మూసీ నది గర్భంలో అక్రమ నిర్మాణాలు జరుగుతున్నాయన్న సందేహాల నివృత్తి కోసం తహశీల్దార్కు లేఖ రాశామని, నివేదిక వచ్చాక వాస్తవాలు వెలుగులోకి వస్తాయని హైడ్రా కమిషనర్ రంగనాథ్ వెల్లడించారు.
హైదరాబాద్ ఇందిరా పార్క్లో 3797 మంది గ్రామ రెవెన్యూ అసిస్టెంట్ల (VRA) భారీ ధర్నా కొనసాగుతోంది. GO 81 & 85 ప్రకారం రెగ్యులరైజేషన్, నియామక పత్రాలు ఇవ్వాలని డిమాండ్. తెలంగాణ రాజ్యాధికార పార్టీ అధినేత తీన్మార్ మల్లన్న మద్దతు తెలిపారు. “గ్రామాల జీవనాడి”లకు ఉద్యోగాలు ఇవ్వకపోతే పోరాటం తీవ్రం అని హెచ్చరించారు.
హైదరాబాద్ నగరంలోని చెరువుల పునరుద్ధరణలో భాగంగా హైడ్రా (HYDRAA) మరో రెండు కీలక ప్రాజెక్టులను పూర్తి చేసింది. కూకట్పల్లిలోని నల్లచెరువు, పాతబస్తీలోని చారిత్రక బమృకున్-ఉద్-దౌలా చెరువులు ఇప్పుడు ప్రజలకు అందుబాటులోకి రావడానికి సిద్ధంగా ఉన్నాయి. ముఖ్యమంత్రి రేవంత్ రెడ్డి ఈ నెల 6వ తేదీన బమృకున్-ఉద్-దౌలా చెరువును, ఆపై మరికొద్ది రోజుల్లో నల్లచెరువును ప్రారంభించనున్నారు. ఆక్రమణలను తొలగించి, పచ్చదనంతో ముస్తాబైన ఈ ప్రాంతాలు నగరవాసులకు కొత్త విహార కేంద్రాలుగా మారనున్నాయి.
జూబ్లీహిల్స్ లోని మంగళ గౌరీ షాపింగ్ మాల్ లో గురువారం మధ్యాహ్నం భారీ అగ్నిప్రమాదం సంభవించింది మూడు ఫైర్ టెండర్లతో మంటలను అదుపు చేస్తున్న సిబ్బంది ఆస్తి నష్టం భారీగా ఉండే అవకాశం ఉంది